Сідаравічы (Магілёўскі раён)

Аграгарадок Сідаравічы Паштовая станцыя 19 ст Краіна Беларусь Вобласць Магілёўская Раён Магілёўскі Сельсавет Сідаравіцкі Каардынаты 53°41′06,50″ пн. ш. 30°23′14″ у. д. Насельніцтва 554 чалавекі (2001) Часавы пояс UTC+3 Тэлефонны код +375 22(2) Паштовы індэкс 213119 Аўтамабільны код 6 СААТА 7244852031 Сідаравічы на карце Беларусі ±

Сідаравічы на Вікісховішчы

Сі́даравічы (трансліт.: Sidaravičy, руск.: Сидоровичи) — аграгарадок у Магілёўскім раёне Магілёўскай вобласці, каля аўтадарогі Магілёў — Гомель. Уваходзіць у склад і з'яўляецца цэнтрам Сідаравіцкага сельсавета. Цэнтр калгаса. За 24 км на поўдзень ад Магілёва. У 2001 годзе налічвалася 554 жыхары, 215 двароў. У вёсцы 2 дрэваапрацоўчыя цэхі, сярэдняя школа, клуб, бібліятэка, амбулаторыя, аддзяленне сувязі.

Гісторыя

У часы ВКЛ вёска ўваходзіла ў склад Быхаўскага староства, была ўладаннем Сапегаў. У 1740 годзе сяляне вёскі аб'ядналіся з сялянамі навакольных вёсак, стварылі ўзброены атрад (200 чалавек) і выступілі супраць М. Сапегі. Узначалілі выступленне сялян В. Ярашэнка, Г. Бушня, М. Козел і В. Гетман. На падаўленне хваляванняў з Быхаўскага гарнізона 27 красавіка 1740 года пасланы ваенны аддзел на чале з намеснікам Д. Стахоўскім. Каля Сідаравічаў сяляне зрабілі засаду, атакавалі карнікаў і разбілі іх. У маі 1740 года выступленне было задушана, удзельнікі жорстка пакараныя.

У часы Расійскай імперыі ў складзе Быхаўскага павета. У 1861—1865 гадах у вёсцы была збудавана царква (зруйнаваная), прыкладна ў той самы час паштовая станцыя XIX стагоддзя. За савецкім часам — брацкая магіла савецкіх воінаў, помнікі савецкім воінам і землякам, якія загінулі ў Вялікую Айчынную вайну.

Вядомыя асобы

• Фёдар Вольфсан (нар. 1907), геолаг

Славутасці

• Руіны царквы 19 ст.
• Паштовая станцыя 19 ст.

Літаратура

• Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — Т. 14. — 512 с. — 10 000 экз. — ISBN 985-11-0238-5 (Т. 14).

Спасылкі

• На Вікісховішчы ёсць медыяфайлы па тэме Сідаравічы (Магілёўскі раён)
• Быхаўшчына ў Рэчы Паспалітай
• Сідаравічы на radzima.org