Уладзікаўказ

Герб горада

Шаблон:Вызн (руск.: Владикавказ) — горад (з 1861) ў Расіі, адміністрацыйны цэнтр Паўночнай Асеціі. Насельніцтва 314,5 тыс. чал. (2005), што складае 48 % насельніцтва рэспублікі. Заснаваны ў 1784 годзе як руская крэпасць у сувязі з падпісаннем Георгіеўскага трактата паміж Расіяй і Грузіяй і пачаткам будаўніцтва Ваенна-грузінскай дарогі.

Горад размешчаны на Паўночным Каўказе, па абодвух берагам ракі Церак, на Асяцінскай нахільнай раўніне ў 30 км ад Дар'яльскай цясніны, у пачатку Ваенна-Грузінскай дарогі.

Кліматычныя ўмовы: умераны кліматычны пояс, змякчэлы блізкасцю гор. Сярэдняя тэмпература студзеня: −2,7 °C. Сярэдняя тэмпература ліпеня: +23,5 °C.

Чыгуначная станцыя. Прамысловасць прадстаўленая прадпрыемствамі харчовай і лёгкай прамысловасці, машынабудавання, каляровай металургіі і інш. Сярод буйнейшых прамысловых прадпрыемстваў: завод «Электрацынк» (вытворчасць цынку, свінцу і пабочных прадуктаў: сернай кіслоты і т. д.); завод «Пабедыт» (вытворчасць цвёрдых сплаваў); завод «ОЗАТЭ» (электраабсталяванне); завод ФГУП "Гран" (прыборы начнога бачання), гарбарня; Уладзікаўказскі вагонарамонтны завод і інш.