Лотар II (кароль Латарынгіі): Розніца паміж версіямі
[дагледжаная версія] | [дагледжаная версія] |
др →Шлюбы і дзеці: clean up з дапамогай AWB |
Artsiom91Bot (размовы | уклад) др Artsiom91Bot перанёс старонку Лотар II, кароль Латарынгіі у Лотар II (кароль Латарынгіі): ВП:НА |
(Няма розніцы)
|
Версія ад 17:45, 17 верасня 2017
Лотар II | |||||||
---|---|---|---|---|---|---|---|
ням.: Lothar, фр.: Lothaire | |||||||
| |||||||
| |||||||
|
|||||||
Папярэднік | Лотар I | ||||||
Пераемнік | Карл II Лысы Людовік II Нямецкі |
||||||
|
|||||||
Нараджэнне |
каля 835 г.
|
||||||
Смерць |
8 жніўня 869 П'ячэнца, Італія |
||||||
Месца пахавання | |||||||
Род | Каралінгі | ||||||
Бацька | Лотар I | ||||||
Маці | Ірменгарда Турская | ||||||
Жонка |
1-я: Тэўтберга 2-я: Вальдрада |
||||||
Дзеці |
Ад 2-га шлюбу: сын: Гуга дочкі: Гізела, Берта, Ірменгарда |
||||||
Дзейнасць | манарх, пісьменнік | ||||||
Медыяфайлы на Вікісховішчы |
Ло́тар II (ням.: Lothar II, фр.: Lothaire II, каля 835 — 8 жніўня 869) — кароль Латарынгіі з 855 з дынастыі Каралінгаў, другі сын імператара Лотара I і Ірменгарды Турскай. Паводле завяшчання бацькі атрымаў землі паміж Рэйнам, Маасам і Шэльдай, якая па імі Лотара атрымала назву Латарынгія. У 863 годзе, пасля смерці свайго малодшага брата Карла Праванскага, Лотар атрымаў у спадчыну і яго землі, гэта значыць Ліён, В'ен, Грэнобль, Юзэ.
Біяграфія
Сямейныя звады Лотара II
Лотар яшчэ да паўналецця ўступіў у сувязь са знатнай дзяўчынай Вальдрадай. Ён жыў з ёй як з жонкай, але не быў павянчаны. Пасля смерці бацькі, зрабіўшыся валадаром, ён выдаліў яе, каб у разліку на палітычныя выгоды ажаніцца з Тэўтбергай, сястрой графа Хукберта (855 год).
Вяльможы ўхвалілі гэты шлюб. Але праз два гады Лотар стаў грэбаваць Тэўтбергай, аднавіў сувязь з Вальдрадай, распуснічаў і з іншымі наложніцамі. Урэшце, кароль зусім прагнаў жонку, абвінаваціўшы яе ў злачыннай сувязі з братам. Каралева знайшла падтрымку ў васалаў, запатрабавала Божага суду і апраўдалася ва ўзведзенных на яе абвінавачваннях. Нягледзячы на гэта, Лотар працягваў кепска абыходзіцца з ёй і гатовы быў на любыя ахвяры, абы злучыцца законным шлюбам з Вальдрадай.
Справа аб разводзе Лотара неўзабаве ператварылася ў гучны скандал і зрабілася важнай з'явай тагачаснага палітычнага жыцця. У канфлікт уцягнуты былі ўсе каралі, шматлікія прэлаты і сам Папа Мікалай I. У красавіку 862 года Лотар склікаў у Ахене сабор сваіх біскупаў, які прызнаў, што ён мае права ўступіць у новы шлюб. Лотар узяў шлюб з Вальдрадай і каранаваў яе каралевай. У 863 годзе сабор у Мецы зацвердзіў гэта рашэнне, але з падачы в'енскага біскупа Адона ў гэту справу ўмяшаўся Папа Мікалай I, які абвясціў пастановы гэтых сабораў незаконнымі і нават змяніў за самавольны развод архібіскупаў Трырскага і Кёльнскага. У 865 годзе Лотар вымушаны быў выдаліць ад сябе Вальдраду і ўрачыста прымірыўся з Тэўтбергай.
Смерць Лотара II
У 867 годзе Папа Мікалай I памёр. Новы Папа Адрыян II здаваўся больш падатлівым. У чэрвені 869 года Лотар адправіўся ў Італію для асабістай з ім сустрэчы. Адрыян прыняў яго ветліва, і хоць сам не даў згоды на развод, дазволіў склікаць сабор біскупаў у Рыме, для абмеркавання гэтага пытання. Лотар паехаў назад, па дарозе заразіўся і 8 жніўня 869 года памёр у П'ячэнцы. Пахаваны ў кляштары Св. Антонія каля П'ячэнцы. Тэўтберга і Вальдрада пасля гэтага прынялі пострыг.
Паколькі справа аб разводзе так і не была даведзена да канца, дзеці Лотара ад Вальдрады лічыліся незаконнымі, і каралеўства яго было падзелена паміж дзядзькамі — каралямі Францыі і Германіі.
Шлюбы і дзеці
- 1-я жонка: (з 855 года) Тэўтберга (пам. пасля 875 года), дачка Базона I, графа дэ Валуа (развод у 857 годзе).
- 2-я жонка: (з 25 снежня 862 года) Лотар ажаніўся са сваёй палюбоўніцай Вальдрадай (памерла пасля 868 года), але гэты шлюб не быў прызнаны, і ўсе дзеці лічыліся незаконнанароджанымі.
Зноскі
Літаратура
- Западная Европа. // Правители Мира. Хронологическо-генеалогические таблицы по всемирной истории в 4 тт. / Автор-составитель В.В. Эрлихман. — Т. 2.