Медаль «За вызваленне Прагі»

Медаль «За вызваленне Прагі»
Краіна	СССР
Тып	медаль
Каму ўручаецца	ваеннаслужачым Чырвонай Арміі, Ваенна-марскога флота і войскаў НКУС
Падставы ўзнагароджання	непасрэдным удзельнікам вызваленні Прагі
Дата заснавання	9 чэрвеня 1945
Статус	не ўручаецца
Статыстыка ўзнагароджанняў
Колькасць	395 000
Характарыстыкі
Матэрыял	Латунь
Памеры	круг з латуні дыяметрам 32 мм
Чарговасць узнагарод
Старэйшая	Медаль «За вызваленне Варшавы»
Малодшая	Медаль «За доблесную працу ў Вялікай Айчыннай вайне 1941—1945 гг.»
Медыяфайлы на Вікісховішчы

Меда́ль «За вызвале́нне Пра́гі» заснаваны Указам Прэзідыума Вярхоўнага Савета СССР ад 9 чэрвеня 1945 года. Аўтары малюнка медаля — мастак А. І. Кузняцоў і мастачка Скаржынская.

Медалём «За вызваленне Прагі» ўзнагароджваліся вайскоўцы Чырвонай Арміі, Ваенна-Марскога Флота і войскаў НКУС — непасрэдныя ўдзельнікі Пражскай аперацыі ў перыяд 3—9 мая 1945 года, а таксама — арганізатары і кіраўнікі баявых аперацый пры вызваленні Прагі. Медаль «За вызваленне Прагі» носіцца на левым баку грудзей i пры наяўнасці іншых медалёў СССР размяшчаецца пасля медаля «За вызваленне Варшавы». Па стане на 1962 год медалём «За вызваленне Прагі» было ўзнагароджана звыш 395 000 чалавек.

Апісанне медаля

Медаль «За вызваленне Прагі» вырабляецца з латуні і мае форму правільнага круга дыяметрам 32 мм. На адным баку уверсе па акружнасці — надпіс «За вызваленне», пад ёй — надпіс «Прага», унізе — выява ўзыходзячага сонца і двух лаўровых галінак, злучаных пад пяціканцовай зорачкай. Бок медаля абрамлены борцікам. На адваротным баку медаля — дата вызвалення Прагі: «9 мая 1945», пад датай — пяціканцовая зорка. Усе надпісы і малюнкі на медалі — выпуклыя. Медаль пры дапамозе вушка i кольца злучаецца з пяцівугольнай калодкай, абцягнутай бэзавай шаўковай муаравай стужкай шырынёй 24 мм. Пасярэдзіне стужкі — сіняя палоска шырынёй 8 мм.

Спасылкі

• На Вікісховішчы ёсць медыяфайлы па тэме Медаль «За вызваленне Прагі»
• Медалі і ордэны СССР