Інтэрнацыянальная вуліца (Гомель)

Інтэрнацыянальная вуліца Гомель
Агульная інфармацыя
Краіна	Беларусь
Рэгіён	Гомельская вобласць
Горад	Гомель
Раён	Цэнтральны
Гістарычны раён	Амерыка, Спасава Слабада
Працягласць	1100 м
Тралейбусныя маршруты	2, 3, 5, 7, 8, 18, 20, 22
Аўтобусныя маршруты	1, 12, 17, 26, 30, 31, 35
Ранейшыя назвы	Кавальская
Паштовы індэкс	246000, 246001 і 246050
Медыяфайлы на Вікісховішчы

Вуліца Інтэрнацыянальная (был. Кавальская) — вуліца, размешчаная ў цэнтральным раёне горада Гомеля. Названая ў 1920-я гады. Працягласць каля 1120 м, ад Праспекта Леніна да Кавальскага пуцеправода.

Перасякае вуліцы

• Праспект Леніна
• Катуніна
• Гагарына
• Маісеінкі
• Фрунзэ
• Талстога
• Барыкіна (праз пуцеправод Кавальскі-2)

Гісторыя

Як вуліца пачала забудоўвацца ў першай палове 19 стагоддзя цаглянымі і драўлянымі хатамі сядзібнага тыпу. У канцы 19 — пачатку 20 ст. на вуліцы знаходзіліся шматлікія майстэрні, гандлёвыя прадпрыемствы, заводы лакавы і чыгуналіцейны (цяпер станкабудаўнічы завод ім. З. М. Кірава). Кавальская вуліца, на якой пражывала значная частка працоўных, была месцам збораў і сходак. У гады Вялікай Айчыннай вайны вуліца моцна разбураная. Сучасная забудова прадстаўленая дамамі (пераважна жылымі) рознай паверхавасці з убудаванымі на першых паверхах крамамі. На вуліцы размешчаны вытворчыя, і адміністрацыйныя карпусы швейнага ПА «Камінтэрн», хлебазавода № 1, завода вымеральных прыбораў і завода імя З. М. Кірава, сярэдняя школа № 19, інтэрнаты завода ім. Кірава і дарожна-будаўнічага тэхнікума, лазня № 3, крамы.

Літаратура

• Гомель. Энциклопедический справочник. — Мн.: БелСэ, 1991. — 527 с.

Спасылкі

• На Вікісховішчы ёсць медыяфайлы па тэме Інтэрнацыянальная вуліца (Гомель)