Мікалай Львовіч Нагнібеда

Мікалай Нагнібяда
Микола Нагнибіда
Асабістыя звесткі
Імя пры нараджэнні	Мікола Львовіч Нагнібяда
Дата нараджэння	7 (20) верасня 1911
Месца нараджэння	Папоўка, Аляксандраўскі павет[d], Кацярынаслаўская губерня, Расійская імперыя
Дата смерці	16 верасня 1985(1985-09-16) (74 гады)
Месца смерці	Кіеў, УССР, СССР
Пахаванне	Байкавыя могілкі
Грамадзянства	Украінская Народная Рэспубліка  Украінская дзяржава  СССР
Альма-матар	Харкаўскі камуністычны інстытут журналістыкі[d] Кіеўскі педагагічны інстытут імя А. М. Горкага (1946)
Прафесійная дзейнасць
Род дзейнасці	паэт, перакладчык
Кірунак	сацыялістычны рэалізм
Жанр	верш, паэма
Мова твораў	украінская мова
Дэбют	«Дняпроўская вясна» (1932)
Грамадская дзейнасць
Партыя	КПСС
Член у	Саюз пісьменнікаў СССР
Прэміі
Узнагароды	Медаль «У азнаменаванне 100-годдзя з дня нараджэння Уладзіміра Ільіча Леніна» Медаль «За доблесную працу ў Вялікай Айчыннай вайне 1941-1945 гг.» Медаль «У памяць 1500-годдзя Кіева» Медаль «Ветэран працы» Медаль «За працоўную доблесць»
Медыяфайлы на Вікісховішчы

Міко́ла Льво́віч Нагнібяда́ (укр.: Микола Львович Нагнибіда; 7 верасня (20 верасня) 1911, Папоўка, Екацярынаслаўская губерня, Расійская імперыя — 16 верасня 1985, Кіеў, УССР, СССР) — украінскі савецкі паэт, перакладчык. Лаўрэат Сталінскай прэміі (1952), Заслужаны работнік культуры Беларусі (1974).

Біяграфія

Нарадзіўся ў вёсцы Папоўка (цяпер Смірнавое Куйбышаўскага раёна Запарожскай вобласці Украіны) ў сям'і фельчара. Скончыў сямігодку і ФЗВ.

У 1929—1931 працаваў слесарам Харкаўскага велазавода, пасля на новабудоўлях «Днепрагэса». Навучаўся ў Камуністычным інстытуце журналістыкі (Харкаў).

Служыў на Чарнаморскім флоце. Удзельнік Другой сусветнай вайны ў складзе Чырвонай арміі. Журналіст газетаў «Ленінська зміна», «Харьковский паровозник», «Коммунист». У 1942—1947 гадах працаваў на радыёвяшчальнай станцыі імя Тараса Шаўчэнкі ў Саратаве, загадваў сектарам друкаванай прапаганды ЦК ЛКСМУ, быў сакратаром рэдакцыі «Молодь України», сакратаром рдакцыі часопісу «Дніпро».

У 1946 годзе скончыў Кіеўскі педагагічны інстытут імя Горкага. Жыў у Кіеве. Памёр 16 верасня 1985 года. Пахаваны на Байкавых могілках.

У роднай вёсцы паэта дзейнічае яго музей.

Творчасць

Вершы пачаў пісаць на новабудоўлях «Днепрагэса». Да пачатку Другой сусветнай вайны выйшлі зборнікі вершаў «Дняпроўская вясна» (1932), «Зерне» (1933), «Днепраград» (1937). Пасля да 1984 года пабачыў свет яшчэ 21 зборнік вершаў, паэм, балад. Аднак у гісторыю літаратуры ўвайшоў не арыгінальнаю, а перакладніцкаю творчасцю. Нагнібяда — адзін з найвыбітнейшых і найпладавіцейшых перакладчыкаў беларускай паэзіі, уганараваны званнем заслужанага дзеяча культуры Беларусі (1974).

Адзін з нешматлікіх перакладчыкаў славацкага паэта Людавіта Штура.

Прэміі і ўзнагароды

• Сталінская прэмія трэцяй ступені (1952) · Дзяржаўная прэмія УССР імя Тараса Шаўчэнкі (1970) · ордэн Леніна
• ордэн Працоўнага Чырвонага Сцяга
• медаль «За доблесную працу ў Вялікай Айчыннай вайне 1941—1945 гг.»
• Заслужаны работнік культуры БССР

Літаратура

• Українська літературна енциклопедія. — К., 1995. — Т. 3. — С. 444.
• Шевченківські лауреати. 1962–2007: Енциклопедичний довідник / Автор-упор. М. Г. Лабінський; вступ. слова І. М. Дзюба, Р. М. Лубківський. — 2-ге вид., змін. і доп.. — К.: Криниця, 2007. — С. 413—414. — 768 с. — ISBN 978-966-7575-81-6.