Кілаўэа

Кілаўэа
англ.: Kīlauea
Мадэль Кілаўэа ў штучных колерах.
Найвышэйшы пункт
Абсалютная вышыня	1 247 м
Размяшчэнне
19°25′16″ пн. ш. 155°17′12″ з. д.
Горная сістэма	[[Гавайскія астравы|Гавайскія астравы]]
Кілаўэа
Медыяфайлы на Вікісховішчы

Кілаўэа (у перакладзе з гавайскай — «вырыгае, моцна распаўсюджваецца») — актыўны шчытавы вулкан на востраве Гаваі.

Адзін з самых актыўных дзеючых вулканаў на Зямлі. Самы малады з гавайскіх вулканаў. Размешчаны побач са значна больш высокім Мауна-Лоа.

Апошняе вывяржэнне пачалося ў 1983 годзе і працягваецца па цяперашні час. У фазу інтэнсіўнай актыўнасці вулкан ўступіў 6 сакавіка 2011 г.

Частка тэрыторыі, занятаай Кілаўэа, уваходзіць у склад нацыянальнага парку «Гавайскія вулканы».

Кілаўэа лічыцца месцам пражывання Пеле — гавайскай багіні вулканаў. Паводле яе імя названыя некаторыя лававыя ўтварэнні — напрыклад, «слёзы Пеле» (маленькія кроплі лавы, якія астуджаюцца на паветры і прымаюць форму слёзы і «валасы Пеле» (тонкія ніткі вулканічнага шкла — абсідыяну, якія ўтвараюцца ў выніку хуткага астуджэння лавы пры сцяканні ў акіян).

Кілаўэа бесперапынна вывяргаецца пачынаючы з 1983 года. У 2008 годзе ягонае вывяржэнне інтэнсіфікавалася.

З 2 мая 2018 года вывяржэнне вулкана пачалося пасля некалькіх землетрасенняў да 6,9 бала па шкале Рыхтара. У выніку адкрыліся трэшчыны і каля 10 жорлаў на ўсходніх збоччах вулкана. Лава знішчыла некалькі жылых будынкаў. Улады штата эвакуявалі 1800 мясцовых жыхароў, што пражывалі ў мясцовасці Леілані на збоччы вулкана, на тэрыторыі якой адбыліся масавыя выкіды лавы.

Літаратура

• Кілаўэа // БЭ ў 18 тамах., Т.8. Мн., 1999, С.257

Спасылкі

• На Вікісховішчы ёсць медыяфайлы па тэме Кілаўэа
• Global Volcanism Program
• Выява вулкана ў рэжыме On-line