Вольфенбютэльскі кодэкс: Розніца паміж версіямі
[дагледжаная версія] | [дагледжаная версія] |
крыніца — [[:ru:Вольфенбютельский кодекс |
|||
Радок 18: | Радок 18: | ||
== Літаратура == |
== Літаратура == |
||
* {{кніга|аўтар=[[Брус Мецгер|Мецгер Б.]]|загаловак=Ранние переводы Нового Завета. Их источники, передача, ограничения|адказны= Пер. с англ. С. Бабкиной|выданне= Изд. 2-е|месца={{М.}}|выдавецтва=[[Біблейска-багаслоўскі інстытут святога апостала Андрэя|Библейско-богословский институт святого апостола Андрея]] |год= 2004|старонак=552|isbn=5-89647-024-X|ref=Мецгер}} |
* {{кніга|аўтар=[[Брус Мецгер|Мецгер Б.]]|загаловак=Ранние переводы Нового Завета. Их источники, передача, ограничения|адказны= Пер. с англ. С. Бабкиной|выданне= Изд. 2-е|месца={{М.}}|выдавецтва=[[Біблейска-багаслоўскі інстытут святога апостала Андрэя|Библейско-богословский институт святого апостола Андрея]] |год= 2004|старонак=552|isbn=5-89647-024-X|ref=Мецгер}} |
||
* {{ |
* {{публікацыя|кніга|аўтар=Falluomini C.|загаловак=Der sogenannte Codex Carolinus von Wolfenbüttel (Codex Guelferbytaneus 64 Weissenburgensis): mit besonderer Berücksichtigung der gotisch-lateinischen Blätter (255, 256, 277, 280)|выдавецтва=Harrassowitz in K|год=1999|isbn=9783447042307|allesete=178}} |
||
[[Катэгорыя:Унцыяльныя рукапісы Новага Запавету]] |
[[Катэгорыя:Унцыяльныя рукапісы Новага Запавету]] |
Версія ад 09:25, 29 чэрвеня 2018
Вольфенбютэльскі кодэкс (лац.: Codex Guelferbytanus, называецца таксама лац.: Codex Carolinus, інвентарны нумар 4148) — пергаментны рукапіс Новага Запавету, меркавана, VI стагоддзя. Палімпсэст, змяшчае паралельныя старалацінскі і гоцкі тэксты Пасланні да Рымлян; захавалася ўсяго 4 аркушы і каля 40 вершаў біблейскага тэксту. Захоўваецца ў Вольфенбютэлі ў Бібліятэцы герцага Аўгуста. Традыцыйная сігла — w, Car для гоцкага тэксту і gue — для лацінскага; па класіфікацыі Бойранскага інстытута мае № 79[1].
Апісанне
Тэкст кодэкса ўяўляе адзін з нешматлікіх фрагментаў як гоцкага перакладу Бібліі, так і старалацінскага тэксту. Першапачаткова перапісаны тэкст быў пазней змыты і выкарыстаны для перапісвання іншага рукапісу, у складзе якой захаваліся 4 аркушы. Гоцкі тэкст рукапісу дрэнна паддаецца чытанню і неаднаразова пераглядаўся і рэканструяваўся. Захаваныя аркушы ідуць не па парадку, у складзе Вольфенбютэльскага кодэкса гэта 255, 256, 277, 280. Яны змяшчаюць каля 40 вершаў тэксту Рым. 11:33-12:5, Рым. 12:17-13:5, Рым. 14:9-20, Рым. 15:3-8. Памер аркушаў — 26,5 × 21,5 см. Тэкст запісаны ў дзве калонкі па 27 радкоў, левая калонка — гоцкі тэкст, правая — старалацінскі. На змытым гоцка-лацінскім тэксце прыкладна ў XI стагоддзі былі перапісаны «Этымалогіі» Ісідара Севільскага.
Захаваны тэкст не мае разбіцця, прынятага ў тыя часы. Лацінскі і гоцкі тэкст змяшчае стандартныя скарачэнні пад надрадковай рысай, аналагічнай царкоўнаславянскаму тытлу (Nomina sacra ) — ihm (Iesum), ihu (Iesu). Тэкст кодэкса мае некаторае значэнне для даследавання тэксталогіі Паслання да Рымлян. Мяркуецца, што лацінскі тэкст блізкі да арыгінала, з якога перапісваліся старалацінскія рукапісы 75, 77 і 89. Лацінскі тэкст выпраўлены па гоцкім.
Гісторыя
Ніякіх дакладных звестак пра час, месца і акалічнасці стварэння рукапісу няма. Відаць, ён быў перапісаны ў Італіі, як і ўсе астатнія гоцкія рукапісы Пісанні, якія дайшлі да нас. Далей ён патрапіў у Абацтва Бобіа, дзе і быў змыты. Далей кодэкс паслядоўна пабываў у бібліятэчных зборах Вайсенбурга, Майнца і Прагі. У 1689 годзе кодэкс быў набыты для Вольфенбютэльскай бібліятэкі, дзе і захоўваецца дагэтуль.
Рукапіс быў выяўлены ў 1752 годзе Якабам Гойзінгерам, але яго цікавілі толькі грэчаскія тэксты, якія ацалелі ў выглядзе палімпсэста. У 1756 годзе Франц Кітэль выявіў у складзе рукапісу і гоцка-лацінскую дыглоту, якую апублікаваў у 1763 годзе. У яго публікацыі ўсе скарачэнні былі раскрыты, але даследчык дапусціў шмат памылак і не змог прачытаць вялікую колькасць слоў, пакінуўшы прабелы ў рэканструяваным тэксце. Новае чытанне тэксту прапанаваў Канстанцін Тышэндорф, яго публікацыя выйшла ў 1855 годзе. Як звычайна ў сваіх выданнях, Тышэндорф імкнуўся аднавіць усе характэрныя асаблівасці арыгінала, у тым ліку памылкі і скарачэнні, колькасць радкоў і знакаў у радку. Новае даследаванне і выданне тэксту адбылося пасля гэтага толькі ў 1999 годзе; яно было праведзена Карлай Фалуаміні (Турынскі ўніверсітэт).
Зноскі
- ↑ Мецгер 2004, с. 329, 408.
Літаратура
- Мецгер Б. Ранние переводы Нового Завета. Их источники, передача, ограничения / Пер. с англ. С. Бабкиной. — Изд. 2-е. — М.: Библейско-богословский институт святого апостола Андрея, 2004. — 552 с. — ISBN 5-89647-024-X.
- Falluomini C. Der sogenannte Codex Carolinus von Wolfenbüttel (Codex Guelferbytaneus 64 Weissenburgensis): mit besonderer Berücksichtigung der gotisch-lateinischen Blätter (255, 256, 277, 280). — Harrassowitz in K, 1999. — ISBN 9783447042307.