Сяргей Барысавіч Баткоўскі

Сяргей Барысавіч Баткоўскі
Дата нараджэння	17 ліпеня 1917(1917-07-17)
Месца нараджэння	Петраград, Расійская імперыя
Дата смерці	24 кастрычніка 1995(1995-10-24) (78 гадоў)
Альма-матар	Ленінградскі інстытут жывапісу, скульптуры і архітэктуры (1940)
Працы і дасягненні
Месца працы	Белдзяржпраект Белдзіпрагандаль Белпрампраект Мінскпраект Беларуская акадэмія мастацтваў
Працаваў у гарадах	Мінск
Прэміі
Узнагароды

Сяргей Барысавіч Баткоўскі (17 ліпеня 1917, г. Петраград — 1995) — беларускі савецкі архітэктар. Заслужаны архітэктар БССР (1969).

Біяграфія

Скончыў у 1940 годзе Ленінградскі інстытут жывапісу, скульптуры і архітэктуры. Удзельнік Вялікай Айчыннай вайны. 3 1946 года ў Мінску. Працаваў у інстытутах «Белдзяржпраект», «Белдзіпрагандаль», «Белпрампраект», «Мінскпраект» (у 1960—1965 галоўны архітэктар). 3 1978 года загадчык кафедры інтэр’ера і абсталявання Беларускага тэатральна-мастацкага інстытута.

Творчасць

Асноўныя работы ў Мінску: рэканструкцыя карпусоў хімічнага і біялагічнага факультэтаў БДУ (1950), крыты плавальны басейн інстытута фізкультуры (1953), павільён білетных кас чыгуначнага вакзала (1955), 10-павярховы жылы дом на плошчы Я. Коласа (1957), паліграфічны камбінат імя Я. Коласа (1956), жылыя дамы на праспекце Ф. Скарыны (1958, Дзяржаўная нрэмія БССР 1968), карпусы гадзіннікавага завода (1963), павільён ВДНГ Беларусі (1968), рэканструкцыя стадыёна «Дынама» (усё ў сааўт.). Помнік Я. Купалу ў Араў-парку пад Нью-Ёркам (1973, са скульптарам А. Анікейчыкам); бюст Героя Савецкага Саюза лётчыка-касманаўта СССР П. I. Клімука ў Брэсце (1978, са скульптарам I. Міско) і інш.

Узнагароды

Дзяржаўная прэмія БССР 1968 года за ўдзел у стварэнні архітэктурнага ансамбля Ленінскага праспекта ў Мінску.

Літаратура

• Баткоўскі Сяргей Барысавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.