Антоній Люстыг

Антоній Люстыг
польск.: Antoni Lustyg (Lustig)
Дата нараджэння	7 верасня 1752(1752-09-07)
Месца нараджэння	Прусія
Дата смерці	5 чэрвеня 1815(1815-06-05) (62 гады)
Месца смерці	Полацк, Полацкі павет, Віцебская губерня, Расійская імперыя
Грамадзянства	Рэч Паспалітая
Род дзейнасці	навуковец
Навуковая сфера	філалогія
Месца працы	Полацкі езуіцкі калегіум Віцебскі езуіцкі калегіум Аршанскі езуіцкі калегіум Магілёўскі езуіцкі калегіум Полацкая езуіцкая акадэмія
Навуковае званне	прафесар

Антоній Люстыг (7 верасня 1752, Прусія — 5 чэрвеня 1815, Полацк) — каталіцкі духоўны дзеяч і педагог, уплывовы дзеяч Ордэна езуітаў.

Уступіў у Таварыства Ісуса 6 кастрычніка 1768 г. у Ломжы, а духоўны сан атрымаў у 1776 г. у Полацку, дзе ў 1780—1786 гг. выкладаў у Полацкім езуіцкім калегіуме нямецкую мову. Выконваў функцыі прэфекта школы і прафесара нямецкай мовы ў езуіцкіх калегіумах Віцебска (1787—1789), Оршы (1789—1791) і Магілёва (1791—1792), прычым у апошнім з 1793 па 1802 гг. займаў пасаду рэктара.

Апрача педагагічнай дзейнасці Люстыг паспяхова працаваў у Таварыстве Ісуса: быў асістэнтам Генеральнага вікарыя ордэна (1799—1815) і правінцыялам (1802—1805), арганізаваў езуіцкую місію ў наваколлі Саратава, а таксама займаў пасаду рэктара Полацкаго езуіцкага калегіума (1805—1812).

Антоній Люстыг браў актыўны ўдзел у падрыхтоўцы адкрыцця Полацкай езуіцкай акадэміі і з’яўляўся яе першым рэктарам (да 1 жніўня 1814 года).

Памёр 5 чэрвеня 1815 г. у Полацку.

Літаратура

• Encyklopedia wiedzy o jezuitach na ziemiach Polski i Litwy 1564—1995 / oprac. Ludwik Grzebień ; [aut. i red. działów Andrzej Paweł Bieś et al. ; współpr. nauk. i red. Roman Darowski]. — Kraków : Wydział Filozoficzny Towarzystwa Jezusowego. Instytut Kultury Religijnej : Wydawnictwo WAM — Księża Jezuici, 1996. — XVI, 882, [5] s. : il.