Ірына Антонаўна Іода

Ірына Антонаўна Іода
Дата нараджэння	5 кастрычніка 1932(1932-10-05)
Месца нараджэння	Менск, БССР, СССР
Дата смерці	23 студзеня 2021(2021-01-23) (88 гадоў)
Месца смерці	Мінск, Беларусь
Грамадзянства	Беларусь
Альма-матар	Мінскі будаўнічы тэхнікум (1952) БПІ (1959)
Працы і дасягненні
Месца працы	Мінскпраект ІБіА Дзяржбуда БССР БелНДІПгорадабудаўніцтва БНТУ
Навуковая ступень	доктар архітэктуры (1987)
Член у	Саюз архітэктараў СССР
Горадабудаўнічыя праекты	Генплан Мінска (1963)
Прэміі
Узнагароды	Прэмія Міністэрства архітэктуры і будаўніцтва Рэспублікі Беларусь імя У. А. Караля[d] (1999)

Ірына Антонаўна Іода (нар. 5 кастрычніка 1932, Мінск) — беларускі архітэктар. Доктар архітэктуры (1987), прафесар (1988). Член Саюза архітэктараў СССР (1962), правадзейны член Беларускага аб’яднання архітэктараў і навуковых работнікаў будаўніцтва (1996), член-карэспандэнт Беларускага акадэмічнага цэнтра Міжнароднай акадэміі архітэктуры (2009), замежны член Расійскай акадэміі архітэктуры і будаўнічых навук (1998), ганаровы прафесар Паўночна-Заходняга архітэктурна-будаўнічага інстытута Кітайскай Народнай Рэспублікі (1999).

Біяграфія

Скончыла ў 1952 годзе Мінскі архітэктурна-будаўнічы тэхнікум; у 1959 годзе Беларускі політэхнічны інстытут. Працавала ў інстытуце «Мінскпраект» (1959—1962); Інстытуце будаўніцтва і архітэктуры АН БССР (1962—1964); загадчыца навуковага аддзела БелНДІПгорадабудаўніцтва (1981—1990); адначасова з 1968 — у Беларускім нацыянальным тэхнічным універсітэце (архітэктурны факультэт, кафедра «Горадабудаўніцтва», прафесар).

Дзейнасць

Адзін з аўтараў генеральнага плана забудовы г. Мінска (1963 г.).

У навуковых працах (больш за 100) даследуе тэарэтычныя і метадалагічныя асновы горадабудаўніцтва, фарміраванне і развіццё сеткі населеных месцаў. Адзін з аўтараў «Схемы размяшчэння і развіцця гарадскіх і сельскіх паселішчаў БССР да 2000 года» (1975), а таксама «Генеральнай схемы комплекснай тэрытарыяльнай арганізацыі БССР» (1987).

Узнагароды

• Дзяржаўная прэмія Рэспублікі Беларусь (2001);
• медаль і граматы Міжнароднай біенале па архітэктуры (Сафія, Балгарыя, 1985, 2000);
• прэмія імя В. А. Караля (1999).

Літаратура

• Іода Ірына Антонаўна // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Іода Ірына Антонаўна // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
• Кто есть кто: доктора наук, профессора, заслуженные деятели науки и лауреаты премий Белорусской государственной политехнической академии : справочник / ред. кол. : М. И. Демчук [и д.р.]. — Мн. : Ураджай, 2000. — 164 с. [1]