Трыумфальная арка (Магілёў)

Трыумфальная арка
Арка пасля адкрыцця (кастрычнік 2018)
Краіна	Беларусь
Месцазнаходжанне	Магілёў
Заказчык	Упраўленне капітальным будаўніцтвам г. Магілёва[d]
Архітэктар	Віталь Васілевіч Рагаўцоў[d]
Медыяфайлы на Вікісховішчы

Не блытаць з Арка Славы (Магілёў).

Трыўмфальная арка — збудаванне ў Магілёве, размешчанае ў заходняй частцы горада, у жылым раёне Казіміраўка, на разваротным кольцы вуліцы Грунвальдскай і Мінскай шашы.

Аўтар праекта архітэктар «Магілёўграмадзянпраекта» Віталь Рагаўцоў, заказчык — «Упраўленне капітальным будаўніцтвам г. Магілёва». Узвядзенне аркі прымеркавана да 750-годдзя Магілёва, якое адзначалася ў 2017 г., і стане завяршальным этапам рэканструкцыі Мінскай шашы. Праект плананалася рэалізаваць за кошт ахвяраванняў магілёўцаў, для чаго быў адкрыты рахунак па зборы сродкаў. Будаўніцтва пачалося ў ліпені 2017 г. Але існуючых грошай не хапіла і будаўніцтва замарозілі. Для завяршэння працы быў абраны новы арыенцір: 5-ы форум рэгіёнаў Беларусі і Расіі, што пройдзе ў Магілёве ў верасні 2018 г., які нібыта збіраюцца наведаць прэзідэнты абедзвюх краін.

Незалежныя эксперты ў галіне архітэктуры раскрытыкавалі праект аркі «ў сілу яго эклектычнасці», актывісты звярталіся да кіраўніцтва горада з прапановай спыніць будаўніцтва «непатрэбнага аб’екта» і марнаванне сродкаў.

Напрыканцы мая 2018 г. мясцовыя арганізацыі па даручэнні старшыні гарвыканкама Уладзіміра Цумарава атрымалі ад адміністрацыі Кастрычніцкага раёна лісты з просьбай аказаць спонсарскую дапамогу для будаўніцтва аркі.

Спасылкі

• На Вікісховішчы ёсць медыяфайлы па тэме Трыумфальная арка (Магілёў)