Кайл Мак-Лахлен

Кайл Маклахлен
Kyle MacLachlan
Дата нараджэння	22 лютага 1959(1959-02-22) (65 гадоў)
Месца нараджэння	Якіма, Якіма, Вашынгтон, ЗША
Грамадзянства	ЗША
Бацька	Kent Alan MacLachlan[d]
Маці	Catherine MacLachlan[d]
Жонка	Desiree Gruber[d]
Дзеці	Callum Lyon MacLachlan[d]
Адукацыя	Вашынгтонскі ўніверсітэт Eisenhower High School[d]
Прафесія	акцёр, кінаакцёр, тэлеакцёр, тэатральны акцёр
Кар’ера	1984 — цяпер. час
Узнагароды	Прэмія «Сатурн» найлепшаму тэлеакцёру[d]
IMDb	ID 0001492
Афіцыйны сайт
Медыяфайлы на Вікісховішчы

Кайл Мерыт Маклахлен (англ.: Kyle Merritt MacLachlan; нар. 22 лютага 1959, г. Якіма, штат Вашынгтон, ЗША) — амерыканскі акцёр, які праславіўся як спецыяльны агент ФБР Дэйл Купер з тэлесерыяла Дэвіда Лінча «Твін Пікс». Акрамя таго, вядомы па фільмах «Дзюна» і «Сіні аксаміт», таксама знятых Лінчам, і серыялаў «Секс у вялікім горадзе», «Як я сустрэў вашу маму» і «Адчайныя хатнія гаспадыні».

Біяграфія

Дзяцінства і юнацтва

Нарадзіўся 22 лютага 1959 г. у горадзе Якіма (штат Вашынгтон, ЗША), дзе і атрымаў першапачатковую адукацыю. Бацька быў біржавым маклерам і адвакатам, а маці — PR-дырэктарам. У сям’і было яшчэ два сыны — Крэйг і Кент. Па словах самога Кайла Мак-Лахлена, па матчынай лініі ён нашчадак І. С. Баха. Вучыўся ігры на аргане, па радзе маці абраў прафесію акцёра. З 1977 г. атрымліваў адукацыю ва Універсітэце Вашынгтона ў Сіэтле. Наведваў курсы акцёрскага майстэрства і іграў у тэатры ценяў.

Кар’ера ў кіно

У 1982 годзе ўдзельнічае ў Арэгонскім шэкспіраўскім фестывалі, дзе, на думку самога Мак-Лахлена, яго ніхто не заўважыў. На самой справе ён прыкмечаны рэжысёрам Дэвідам Лінчам, у чыёй стужцы «Дзюна» і дэбютаваў праз 2 гады. Далей ролі ў фільме Лінча «Сіні аксаміт» і серыяле «Твін Пікс» фактычна зрабіла Мак-Лахлена зоркай катэгорыі А, але і замацавалі за ім клішэ акцёра, які іграе «людзей з дзівосамі», ад якога К. Мак-Лахлен доўгі час імкнуўся пазбавіцца. Удзел у фільме «Працэс» паводле навелы Франца Кафкі замацаваў яго папулярнасць.

Але наступныя ролі («Флінстоўны» Браяна Леванта, «Шоўгёлз» Пола Верхувена) аказаліся няўдалымі, і за апошнюю з іх Мак-Лахлен нават атрымаў «Залатую маліну» у намінацыі «горшы акцёр». Удзел у серыяле «Секс у вялікім горадзе» паляпшае становішча, а невялічкая роля ў «Амаль натурал» (2004) раскрывае майстэрскую акцёрскую ігру Мак-Лахлена. З 2006 па 2012 год удзельнічае ў серыяле «Адчайныя хатнія гаспадыні». У 2008 годзе агучыў Супермэна ў анімацыйным серыяле «Ліга справядлівасці: новы бар'ер».

Спасылкі

• Афіцыйны сайт (англ.)
• Кайл Мак-Лахлен на сайце «Internet Movie Database» (англ.)
• Кайл МАК-ЛАХЛЕН: Дэвід Лінч. погляд сведкі