Юлія Алегаўна Самойлава

Юлія Алегаўна Самойлава
руск.: Юлия Олеговна Самойлова
Юлія Самойлава на прэзентацыі кнігі «Звычайная незвычайная гісторыя» ў Маскоўскім доме кнігі на Новым Арбаце.
Асноўная інфармацыя
Дата нараджэння	7 красавіка 1989(1989-04-07) (35 гадоў)
Месца нараджэння	Ухта, гарадская акруга Ухта[d], Комі АССР, РСФСР, СССР
Краіна	Расія
Альма-матар	Сучасная гуманітарная акадэмія[d] (2010)
Музычная дзейнасць
Прафесіі	спявачка, кампазітарка, паэтка, пісьменніца
Інструменты	вакал
Жанры	эстрада, поп-рок і інды-поп
Узнагароды	Залатая зорка Алы[d] (2013)
jsvok.ru
Медыяфайлы на Вікісховішчы

Ю́лія Але́гаўна Само́йлава (нар. 7 красавіка 1989, Ухта, Комі АССР, РСФСР, СССР) — расійская спявачка.

Біяграфія

Нарадзілася ў рэспубліцы Комі (Комі АССР), горад Ухта. З дзяцінства брала ўдзел у розных конкурсах як мясцовага, так і міжнароднага ўзроўню. Вось найбольш яскравыя дасягненні Юліі ў дзіцячым і падлеткавым узросце:

• 2002 год — Лаўрэат рэгіянальнага конкурсу «Сярэбраны капыток — 2002» — I месца. У дзіцячай намінацыі да 13 гадоў. Горад Інта.
• 2003 год — Усерасійскі фестываль «На крылах мары», г. Масква.
• 2003 год — рэгіянальны конкурс «Сярэбраны капыток — 2003» — II месца (ад 14 да 18 гадоў) г. Інта
• 2005 год — адкрыты міжрэгіянальны конкурс «Веснавая капель» узроставая група да 30 гадоў. Лаўрэат I месца і Прыз глядацкіх сімпатый, г. Мурам.
• 2005 год — Усерасійскі конкурс «ШЛЯГЕР — 2005» лаўрэат ІІ месца, г. Екацярынбург
• 2006 год — Міжнародны Конкурс-Фестываль Роза Вятроў — І месца. Егіпет, г. Хургада.

Юлія Самойлава таксама прымала ўдзел у стварэнні цяжкай альтэрнатыўнай музыкі. У 2008 годзе, вясной, заснавала групу «TerraNova». Група праіснавала да 2010 года, запісаўшы 6 кампазіцый. За межамі рэспубліки Комі група вядомай не стала.

Вялікую папулярнасць, як у Расіі, так і за яе межамі, Юлія атрымала пасля таго, як стала фіналісткай трэцяга сезона праекта Алы Пугачовай «Фактар А», які праходзіў з 9 лютага па 21 красавіка 2013 года на канале «Расія 1». Ала Барысаўна Пугачова адзначыла Юлію прэміяй «Залатая Зорка Алы». Гэтая ўзнагарода — знак асабістага прызнання Прымадонны расійскай эстрады. Вось найбольш яскравыя дасягненні ў перыяд з 2012 года:

• 2012—2013 гады — «Новая Ухта», «ГРАН-ПРЫ» г. Ухта.
• 2013 год — Расійскі тэлевізійны конкурс «Фактар А» 2 месца. г. Масква
• 2013 год — Уладальніца ўзнагароды «Залатая Зорка Алы».
• 2014 год — Уладальніца «V нацыянальнай прэміі імя Алены Мухінай» у намінацыі «Няскораная Нота».
• 2014 год — Удзел ва ўрачыстай цырымоніі адкрыцця Зімовых Паралімпійскіх гульняў 2014.

Да 2014 года записаны дзве кампазіцыі «Лайт» (словы: Самойлава Юлія, музыка: Самойлава Юлія), «Новый Дзень» (Словы: Канстанцін Арсенеў, Музыка: Аляксандр Якаўлеў). Таксама запісаны адзін дуэт з Юрыям (Гошай) Куцэнкам) — «Камета» (Словы: Юрый Куцэнка, музыка: Юрый Куцэнка). Гэты дуэт уключаны ў другі альбом Юрыя Куцэнкі.

Юлія Самойлава з дзяцінства перасоўваецца на інвалідным крэсле і мае першую групу інваліднасці па спадчынным захворванні. У 13 гадоў ёй быў пастаўлены дыягназ спінальная аміятрафія Вердынга — Гофмана.

Таксама Юлія Самойлава з’яўляецца переможцам унутранага конкурсу, праведзенага Першым каналам, па выніках якога стала прадстаўніком Расіі на конкурсе песні Еўрабачанне-2017 у Кіеве з кампазіцыяй «Flame Is Burning» (аўтар музыкі і слоў Леанід Гуткін).