Уладзімір Віктаравіч Даманеўскі

Уладзімір Віктаравіч Даманеўскі
Старшыня Магілёўскага абласнога выканаўчага камітэта снежань 2014 — 26 сакавіка 2019
Прэзідэнт	Аляксандр Лукашэнка
Папярэднік	Пётр Руднік
Нараджэнне	14 лютага 1960(1960-02-14) (64 гады) Дзяржынск, Дзяржынскі раён, Мінская вобласць, БССР, СССР
Партыя	КПСС
Адукацыя	Акадэмія кіравання пры Прэзідэнце Рэспублікі Беларусь (1998) БДАТУ (1983)
Дзейнасць	палітык

Уладзімір Віктаравіч Даманеўскі (14 лютага 1960, г. Дзяржынск, Мінская вобласць) — беларускі дзяржаўны дзеяч.

Біяграфія

У 1983 годзе скончыў Беларускі дзяржаўны аграрны тэхнічны ўніверсітэт, у 1998 — Акадэмію кіравання пры Прэзідэнце Рэспублікі Беларусь.

Працоўную дзейнасць пачаў у 1982 г. інжынерам-радыёмеханікам Дзяржынскай бройлернай птушкафабрыкі. У 1984—1988 гг. працаваў дырэктарам станцыі юных тэхнікаў у Дзяржынску, з 1990 года — інструктарам арганізацыйнага аддзела Дзяржынскага гаркама КПБ. У 1990—1998 гг. быў загадчыкам аддзела па справах моладзі Дзяржынскага гарадскога выканаўчага камітэта, а потым — Дзяржынскага раённага выканаўчага камітэта.

У 1998—2006 гг. працаваў у Мінскім абласным выканаўчым камітэце: галоўны спецыяліст упраўлення арганізацыйна-кадравай работы, інспектар галоўнага ўпраўлення кадраў, намеснік начальніка ўпраўлення — загадчык арганізацыйнага аддзела галоўнага ўпраўлення арганізацыйна-кадравай работы, намеснік старшыні камітэта па сельскай гаспадарцы і харчавання. З 2006 г. працаваў інспектарам па Мінскай вобласці інспектарскага аддзела Апарату Савета Міністраў Рэспублікі Беларусь. У 2009—2013 гг.- старшыня Слуцкага райвыканкама. З 2013 года — памочнік Прэзідэнта Рэспублікі Беларусь — галоўны інспектар па Гродзенскай вобласці.

Са снежня 2014 г. — Старшыня Магілёўскага аблвыканкама. 26 сакавіка 2019 года Прэзідэнт Беларусі Аляксандр Лукашэнка ў час рабочай паездкі ў Магілёўскую вобласць звольніў Уладзіміра Даманеўскага з пасады кіраўніка вобласці за незабеспячэнне належных умоў гаспадарання і вытворчай дысцыпліны ў аграхолдынгу «Купалаўскае».

Спасылкі

• Даманеўскі Уладзімір Віктаравіч // БЕЛТА