Галіна Баляславаўна Лазоўская

Галіна Баляславаўна Лазоўская
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Нараджэнне	27 красавіка 1960(1960-04-27) (63 гады) Солы, Сольскі сельсавет, Смаргонскі раён, Гродзенская вобласць, БССР, СССР
Член у	Беларускі саюз журналістаў
Адукацыя	БДУ
Дзейнасць	палітык

Галіна Баляславаўна Лазоўская (27 красавіка 1960, в. Солы, Смаргонскі раён, Гродзенская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Біяграфія

Нарадзілася 27 красавіка 1960 года ў в. Солы Смаргонскага раёна Гродзенскай вобласці.

Скончыла Беларускі дзяржаўны ўніверсітэт імя У.І.Леніна, журналіст.

Працавала карэспандэнтам рэдакцыі газеты «Святло камунізму» Маладзечанскага раёна Мінскай вобласці; інструктарам Маладзечанскага гарадскога камітэта ЛКСМБ; карэспандэнтам, аглядальнікам радыё, рэдактарам аддзела «Радыё Маладзечна» дзяржаўнай установы «Рэдакцыя «Маладзечанская газета».

З'яўлялася дэпутатам Маладзечанскага раённага Савета дэпутатаў дваццаць чацвёртага, дваццаць пятага і дваццаць шостага скліканняў.

Член грамадскага аб'яднання «Беларускі саюз журналістаў».

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Асабістае жыццё

Замужам, мае дачку і сына.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь (бел.)