ФК Блэкберн Роверс

Блэкберн Роверс
Поўная назва	Blackburn Rovers Football Club
Мянушкі	Валацугі
Заснаваны	5 лістапада 1875
Горад	Блэкберн, Англія
Стадыён	Івуд Парк Умяшчальнасць: 31 367
Уладальнік	V H Group[d]
Прэзідэнт	Майк Чэстан[d]
Галоўны трэнер	Джон Юстэйс[d]
Чэмпіянат	Чэмпіёншып
2018/19	15 месца
Сайт	Афіцыйны сайт
Асноўная форма Гасцявая форма

«Блэ́кберн Ро́верс» (англ.: Blackburn Rovers Football Club) — прафесійны англійскі футбольны клуб з горада Блэкберн (Ланкашыр). Быў заснаваны ў 1875 годзе, а ў 1888 годзе стаў адным з клубаў-заснавальнікаў Футбольнай Лігі. Клуб таксама стаў заснавальнікам Прэм’ер-лігі ў 1992 годзе і з’яўляецца адным з трох клубаў, што мелі дачыненне да стварэння дзвюх англійскіх ліг (акрамя «Блэкберна», гэта рабілі «Астан Віла» і «Эвертан»). На хатняй арэне «Івуд Парк» гуляюць з 1890 года.

У XIX стагоддзі клуб некалькі разоў выйграваў кубак Англіі, але ў наступным стагоддзі гэта здарылася толькі аднойчы ў 1928 годзе. Акрамя таго двойчы ў даваеныя гады клуб станавіўся чэмпіёнам Англіі ў 1912 і 1924 гадах.

У 1992 годзе клуб патрапіў у толькі што створаную Прэм’ер-лігу пасля сезону ў ніжэйшым дывізіёне, дзякуючы англійскаму бізнесмену Джэку Уолкеру, што з’яўляўся дырэктарам клуба на той час. Трэнерам каманады быў вядомы ў мінулым футбольны ігрок Кені Далгліш. У 1995 годзе клуб стаў чэмпіёнам Англіі, патраціўшы шмат грошай на здабытак такіх ігракоў, як Алан Шырэр і Крыс Сатан. Але ўжо ў 1999 годзе клуб зноў трапіў у ніжэйшы дывізіён. Праз два гады, пасля смерці Уолкера, клуб вярнуўся ў Прэм’ер-Лігу.

З перыяд паміж 1998 і 2008 гадамі клуб чатыры разы прымаў удзел у Лізе Еўропы, аднойчы як уладальнік Кубка лігі, двойчы як клуб, што заняў шостае месца ў чэмпіянаце Англіі і аднойчы праз кваліфікацыю Кубка Інтэртота. Дэвізам клубу з’яўляецца выраз «Arte et labore», што ў перакладзе азначае — «Уменнем і цяжкай працай».

Гісторыя

XIX стагоддзе

«Блэкберн Роверс» быў заснаваны 5 лістапада 1875 года групоўкай выпускнікоў школы Шрусберы, ініцыятыву якіх падтрымала група забяспечаных мяшчан на сходзе ў гатэлі «Легер». У тым жа годзе, 18 снежня, каманда правяла свой першы матч, які завяршыўся нічыёй з лікам 1:1. У пачатку сваёй гісторыі клуб не меў уласнага стадыёна і існаваў выключна на грошы заснавальнікаў. Каманда змяніла шмат палёў, пакуль у рэшце не быў пабудаваны «Івуд Парк», на якім «Блэкберн» выступае і па сённяшні дзень, а сам стадыён з’яўляецца найстарэйшай футбольнай арэнай у Англіі. З 1878 года клуб выступаў у першынстве Ланкашыра, а ўжо на наступны сезон каманда ўдзельнічала ў розыгрышы на Кубак Англіі. У 1882 годзе «Блэкберн Роверс» дайшлі да фіналу гэтага турніру, але прайгралі клубу «Олд Ітоніянс» (цікавы факт, што на наступны год за іх адпомсціў іншы клуб з горада Блэкберн, які ўжо не існуе, «Блэкберн Алімпік»). Праз два гады, у 1884 годзе, «Блэкберн Роверс» усё ж такі заваявалі гэты трафей, а так выйгравалі яго яшчэ два сезоны запар. У 1888 годзе была заснавана Футбольная ліга і «Роверс» сталі адным з клубаў-заснавальнікаў. У перыяд з 1890—1891 гадоў клуб двойчы перамог у першынстве на Кубак Англіі, але дамагчыся самавітага поспеху ў чэмпіянаце клубу было не наканавана да пачатку XX стагоддзя.

Склад каманды

Станам на 3 лютага 2014 года

№ Паз. Імя Нар. 1 Бр Пол Робінсан 1979 2 Аб Тод Кейн (ар. «Чэлсі») 1993 3 Аб Томі Спур 1987 4 Аб Мэцью Кілгалан 1984 5 Аб Грант Хэнлі () 1991 6 ПА Джэйсан Лоў 1991 7 Нап Джошуа Кінг 1992 8 ПА Дэвід Дан 1979 9 Нап Леон Бест 1986 11 Нап Джордан Роўдс 1990 12 ПА Бэн Маршал 1991 13 Бр Сайман Іствуд 1989 14 ПА Маркус Ульсан 1988 15 Нап Люк Ворні (ар. «Лідс Юнайтэд») 1982

№ Паз. Імя Нар. 17 ПА Лі Уільямсан 1982 19 ПА Крыс Тэйлар 1986 20 ПА Дыксан Этугу 1982 23 ПА Брыян Дабо (ар. «Манпелье») 1992 24 Аб Джош Морыс 1991 27 Аб Адам Хэнлі 1994 29 ПА Коры Эванс 1990 31 ПА Конар Махоўні 1997 32 ПА Крэйг Конуэй 1985 33 Бр Давід Рая — 34 Бр Джэйк Кін 1991 39 Нап Рудзі Жэстэд 1988 45 ПА Том Керні 1991

Дасягненні

• Чэмпіён Англіі: 1911/12⁽¹⁾, 1913/14⁽¹⁾, 1994/95⁽²⁾
• Срэбны прызёр чэмпіянату Англіі: 1993/94
• Уладальнік Кубка Англіі: 1884, 1885, 1886, 1890, 1891, 1928
• Уладальнік Кубка англійскай лігі: 2002
• Уладальнікі Суперкубка Англіі (англ.: Charity Shield) — 1912

Удакладненні: ⁽¹⁾ Дывізіён 1; ⁽²⁾ Прэм’ер-ліга

Спасылкі

• На Вікісховішчы ёсць медыяфайлы па тэме ФК Блэкберн Роверс
• Афіцыйны сайт (англ.)