ФК Вест Бромвіч Альбіён

Вест Бромвіч Альбіён
Поўная назва	West Bromwich Albion Football Club
Мянушкі	Albion, The Baggies, The Throstles, West Brom
Заснаваны	1878
Горад	Уэст-Бромідж, Англія
Стадыён	Гоўтарнз Умяшчальнасць: 26 852
Уладальнік	Гуачуань Лай[d]
Прэзідэнт	Лі Піюэ[d]
Галоўны трэнер	Карлас Карберан[d]
Чэмпіянат	Чэмпіёншып
2018/19	4 месца
Сайт	wba.co.uk (англ.)
Асноўная форма Гасцявая форма Рэзервовая форма

«Вест Бромвіч Альбіён» (англ.: «West Bromwich Albion Football Club»; таксама вядомы як «West Brom», «The Baggies», «Albion», «The Albion», «The Throstles», «W.B.A.») — прафесійны англійскі футбольны клуб, які базуецца ў горадзе Уэст-Бромідж. Клуб быў заснаваны ў 1878 годзе, у 1888 годзе стаў адным з клубаў-заснавальнікаў англійскай футбольнай лігі. У сезоне 1919/20 станавіўся чэмпіёнам Англіі. У 1888, 1892, 1931, 1954 і 1968 гадах клуб заваёўваў Кубак Англіі па футболе. У сезоне 2008/09 у Прэм’ер-лізе заняў 20-е месца і вылецеў у Чэмпіёншып, але ўжо на наступны года вярнуўся ў элітны дывізіён; зноў страціў месца ў Прэм’ер-лізе па выніках сезону 2017/18. Практычна ўсю сваю гісторыю каманда выступае ў паласатай сіне-белай форме, аднак на працягу сваёй гісторыі ў «Вест Бромвіча» меліся і іншыя камплекты паласатых формаў (жоўта-зялёныя і чырвона-белыя).

Найбольш распаўсюджаная мянушка клуба сярод заўзятараў — Baggies (мяшкі, сумкі), якая з’явілася дзякуючы абвіслым працоўным штанам рабочых, якія падтрымлівалі каманду ў пачатку XX стагоддзя. Аднак маецца і іншая мянушкау — Throstles (дразды), бо першапачаткова на эмблеме клуба быў намаляваны дрозд, які сядзіць на бельцы брамы, аднак пасля яе замяніла галіна глогу.

Прынцыповымі супернікамі каманды з’яўляюцца некаторыя клубы з Мідлендса: традыцыйным супернікам «Вест Бромвіча» быў клуб «Астан Віла», аднак у апошні час іх асноўным супернікам па дэрбі з’яўляецца «Вулверхэмптан Уондэрэрс».

Гісторыя

Клуб быў заснаваны як «Вест Бромвіч Стролерз» у 1878 годзе працаўнікамі з прадпрыемства George Salter’s Spring Works з Вест Бромвіча, у Стафардшыры, але зараз гэта месца ёсць часткай адміністрацыйнай акругі Уэст-Мідлендс. У 1880 годзе клуб быў перайменаваны на сучасны лад «Вест Бромвіч Альбіён», стаўшы першай камандай, у назве якой пачало ўжывацца слова «Альбіён». Справа ў тым, што Альбіён — былы раён Вест Бромвіча, дзе некаторыя з ігракоў жылі ці працавалі. Клуб далучыўся да Футбольнай асацыяцыі Бірмінгема і прылеглых раёнаў у 1881 годзе і адразу атрымаў права на выступы ў вышэйшым дывізіёне — Кубку Бірмінгема. «Вест Бромвіч» у першы сезон дайшоў да чвэрцьфіналу, атрымаўшы шэраг перамогаў над некалькімі вядомымі клубамі на сваім шляху. У 1883 годзе «Альбіён» атрымаў свой ​​першы трафей — Кубак Стафардшыра. У тым жа годзе «Вест Бромвіч» далучыўся да Футбольнай асацыяцыі, што дазволіла клубу прыняць удзел у розыгрышу Кубку Англіі ўпершыню ў сезоне 1883/84. У 1885 годзе клуб атрымаў прафесійны статус, а ў 1886 годзе яны дасягнулі фіналу Кубка Англіі, дзе аднак атрымалі паражэнне з лікам 0:2 у вырашальным матчы супраць «Блэкберн Роверс» у перагулёўцы. У 1887 годзе клуб зноў дайшоў да фіналу, але на гэты раз прайграў ужо «Астан Віл»е з лікам 2:0. У 1888 годзе клуб усё ж такі стаў уладальнікам Кубка Англіі, перамогшы ў фінале моцнага фаварыта «Прэстан Норт Энд» з лікам 2:1 у фінале.

У сакавіку 1888 года Уільям Мак-Грэгар напісаў лісты пяці паводле яго меркавання наймацнейшым клубам краіны, у тым ліку і «Вест Бромвіч Альбіёна», інфармуючы іх аб сваім намеры стварыць асацыяцыю клубаў, якія будуць гуляць адзін з адным дома і ў гасцях кожны сезон. Такім чынам, калі футбольная ліга была створана, «Альбіён» стаў адным з дванаццаці яго членаў-заснавальнікаў. Другі поспех у розыгрышы Кубка Англіі прыйшоў да «Альбіёна» ў 1892 годзе, калі ў фінале ігракамі з Вест Бромвіча была пераможана «Астан Віла» з лікам 3:0. У фінале Кубка 1895 года гэтыя супернікі сустрэліся зноў, але на гэты раз «Альбіён» атрымаў паражэнне 1:0.

Дасягненні

• Чэмпіён Англіі (1920).
• Уладальнік Кубка Англіі (1888, 1892, 1931, 1954, 1968).
• Уладальнік Кубка Англійскай Лігі (1966).

Склад

Станам на люты 2019 года.

№ Паз. Імя Нар. 1 Бр Сэм Джонстан 1993 3 Аб Кіран Гібс 1989 4 Нап Хэл Робсан-Кану 1989 5 Аб Кайл Бартлі 1991 6 ПА Стэфан Ёхансен 1991 7 ПА Джэймс Морысан 1986 8 ПА Джэйк Лівермар 1989 10 ПА Мэт Філіпс 1991 11 ПА Крыс Брант 1984 12 Аб Тайран Мерс 1983 13 Бр Боаз Майхіл 1982 14 Аб Конар Таўнсенд 1993 15 ПА Джэферсан Мантэра 1989 16 Нап Дуайт Гейл 1989 18 ПА Гарэт Бэры 1981

№ Паз. Імя Нар. 19 Нап Джэй Радрыгес 1989 20 Нап Джонатан Лека 1999 21 Нап Кайл Эдвардс 1998 22 ПА Уэс Хулахан 1982 23 Бр Джонатан Бонд 1993 24 Аб Тасін Адарабіёя 1997 25 Аб Крэйг Доўсан 1990 26 Аб Ахмед Хегазі 1991 28 ПА Сэм Філд 1998 30 Аб Макс Мелбурн 1998 34 Нап Рыкім Харпер 2000 39 Бр Алекс Палмер 1996 68 Аб Мейсан Холгейт 1996 70 Нап Джэйкаб Мёрфі 1995

Спасылкі

• На Вікісховішчы ёсць медыяфайлы па тэме ФК Вест Бромвіч Альбіён
• Афіцыйны сайт
• Афіцыйны сайт заўзятараў
• Жаночая каманда клуба
• Старонка клуба на BBC Sport
• Старонка клуба на Sky Sports