Тарпеда (стадыён, Жодзіна)

«Тарпеда»
Месцазнаходжанне	Жодзіна, вул. Дзеравянка, 5
Пабудаваны	1965—1969
Адкрыты	1969
Рэканструяваны	2005—2013
Хатняя каманда	«Тарпеда-БелАЗ»
Умяшчальнасць	6 524
Памеры поля	105×68 м
Пакрыццё	Натуральнае
Медыяфайлы на Вікісховішчы

«Тарпеда» — шматфункцыянальны стадыён у Жодзіна, Беларусь. З’яўляецца хатняй арэнай для футбольнага клуба «Тарпеда-БелАЗ», які выступае ў Вышэйшай лізе чэмпіянату Беларусі па футболе. Умяшчальнасць стадыёна складае 6 524 месца.

Асноўная інфармацыя

Ідэя будаўніцтва стадыёна ўзнікла ў 1965 годзе, і ўжо напрыканцы года пачаліся будаўніча-мантажныя работы. У лістападзе 1969 стадыён «Тарпеда» афіцыйна ўступіў у строй. На месцы цяперашняй Заходняй трыбуны былі ўзведзены месцы для 5 000 гледачоў. З самага адкрыцця стадыён стаў хатняй арэнай мясцовай каманды «Ракета» (сучасная назва «Тарпеда-БелАЗ»).

З 1992 года стадыён стаў прымаць матчы чэмпіянату Беларусі па футболе. У 2005 годзе пачалася маштабная рэканструкцыя спартыўнай арэны, якая праходзіла ў некалькі этапаў і скончылася ў 2013. За гэты час з’явілася Усходняя трыбуна, над Заходняй быў узведзены дах. Цяпер гэтыя дзве трыбуны ўмяшчаюць ледзь больш за 6,5 тысяч месцаў. У 2013 годзе былі ўсталяваны электроннае табло і асвятляльныя мачты, якія дазволілі праводзіць матчы ўвечары. Праведзена ўкладка сучасных бегавых дарожак. Каля галоўнай арэны з’явілася трэніровачнае поле са штучным пакрыццём і трыбунай на 500 гледачоў. Газон на стадыёне натуральны, усталяваны падагрэў. Памеры поля 105×68 метраў.

26 мая 2013 года на стадыёне «Тарпеда» адбыўся фінал Кубка Беларусі па футболе 2012/13, у якім футбольны клуб «Мінск» перамог мінскае «Дынама».

Спасылкі

• «По домам». Проект Offside.by о стадионах Беларуси. «Торпедо» (Жодино)
• Профіль стадыёна на sport-belaz.by