Натуральны лік

Натура́льны лік - любы з лікаў, што выкарыстоўваюцца пры пералічэнні.

Мноства натуральных лікаў абазначаецца сімвалам $\mathbb {N}$.

Больш фармальнае вызначэнне мноства натуральных лікаў (аксіёмы Пеана):

• 1 з'яўляецца натуральным лікам: $1\in \mathbb {N}$
• кожны натуральны лік мае адзін натуральны лік, які з'яўляецца наступным да яго: $\forall n\in \mathbb {N} ,\exists S(n)\in \mathbb {N}$
• 1 не з'яўляецца наступным ні да якога з натуральных лікаў: $\nexists n\in \mathbb {N} ,S(n)=1$
• калі нейкі натуральны лік з'яўляецца наступным да двух натуральных лікаў, то гэтыя два лікі супадаюць: $S(a)=S(b)=>a=b$
• калі нейкая ўласцівасць P мае месца для 1, а таксама для любога S(n) пры ўмове, што яна справядлівая для n, то яна мае месца для ўсіх натральных лікаў: $P(1),(P(n)=>P(S(n)))=>\forall n\in \mathbb {N} ,P(n)$

Апошняя аксіёма з'яўляецца фармулёўкай прынцыпа поўнай індукцыі.

Апошнім часам назіраецца тэндэнцыя разглядаць у якасці найменшага натуральнага ліка не 1, а 0.