Аляксандр Іванавіч Слупскі

Аляксандр Іванавіч Слупскі
Дата нараджэння	16 красавіка 1864(1864-04-16)
Месца нараджэння	Слуцк, Слуцкі павет, Мінская губерня, Расійская імперыя
Дата смерці	8 верасня 1907(1907-09-08) (43 гады)
Месца смерці	Аса, Асінскі павет[d], Пермская губерня, Расійская імперыя
Месца пахавання	Аса
Грамадзянства	Беларусь
Род дзейнасці	навуковец
Навуковая сфера	археалогія і гісторыя
Альма-матар	Мінская мужчынская гімназія Імператарскі Санкт-Пецярбургскі ўніверсітэт (1887)
Медыяфайлы на Вікісховішчы

Аляксандр Іванавіч Слупскі (4 (16) красавіка 1864, Слуцк — 8 верасня 1907, Аса) — беларускі і расійскі гісторык i археолаг.

Біяграфія

Скончыў Мінскую гімназію, Пецярбургскі ўніверсітэт (1887). У 1880—90-я гады друкаваў гісторыка-краязнаўчыя i літаратурнакрытычныя артыкулы ў перыядычных выданнях Мінска. У «Паўночна-Заходнім календары на 1888 год» апублікаваў гістарычны нарыс «Ізяслаўль i Тураў...». Пад яго рэдакцыяй у Мінску выдадзены «Паўночна-Заходні каляндар» на 1892 i 1893 год, дзе Слупскі змясціў i свой «Народны каляндар», складзены на аснове беларускіх народных прыкмет, абрадавых песень i прыпевак, артыкулы «Гісторыя Мінска» i «Легенда пра Магілёў». У артыкуле «Стары Мінск» (1890) прывёў біяграфічныя звесткі пра В. Дуніна-Марцінкевіча. 3 1893 працаваў на Урале. У 1901—05 член Пермскай губернскай архіўнай камісіі. Вывучаў архітэктуру i археалогію Паўночнага Урала («Архітэктурныя помнікі Салікамска», 1902; «Падземныя хады Салікамска», 1904; «Да пытання аб маскоўскім i ноўгарадскім уплыве ў архітэктурных помніках Салікамска i Чэрдыні», 1905). Памёр 8 верасня 1907 у горадзе Аса Пермскай губерні, пахаваны там жа.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).