Уладзімір Ігнатавіч Бровікаў

Уладзімір Ігнатавіч Бровікаў
2-гі сакратар Аршанскага РК КПБ 1965 — 66
Сакратар Віцебскага абкама КПБ 1970 — 72
2-гі сакратар ЦК КПБ 4 снежня 1978 — 17 жніўня 1983
Папярэднік	Аляксандр Аксёнаў
Пераемнік	Генадзь Барташэвіч
7-ы Старшыня Савета Міністраў БССР 8 ліпеня 1983 года — 10 студзеня 1986 года
Папярэднік	А. Н. Аксёнаў
Пераемнік	М. В. Кавалёў
Нараджэнне	12 мая 1931(1931-05-12) Ветка, Веткаўскі раён, БССР, СССР
Смерць	10 лютага 1992(1992-02-10) (60 гадоў) Масква, Расія
Месца пахавання	Новадзявочыя могілкі
Партыя	КПСС з 1958
Член у	ЦК КПСС
Адукацыя	факультэт журналістыкі БДУ Акадэмія грамадскіх навук пры ЦК КПСС БДУ
Навуковая ступень	кандыдат філасофскіх навук
Прафесія	журналіст
Дзейнасць	дыпламат, журналіст, палітык, дзяржаўны служачы
Месца працы	Ленинский призыв[d] Клич Ильича[d] Днепровская правда[d] Віцебскі рабочы
Узнагароды

Уладзі́мір Ігна́тавіч Бро́вікаў (12 мая 1931, Ветка — 10 лютага 1992) — савецкі і беларускі дзяржаўны і партыйны дзеяч. Дэпутат Савета Нацыянальнасцяў Вярхоўнага Савета СССР 10-11 скліканняў (1979—1989) ад Беларускай ССР. Член ЦК КПСС (1981—1990). Член КПСС з 1958.

Біяграфія

Сын служачага.

У 1955 годзе скончыў Беларускі дзяржаўны ўніверсітэт імя У. І. Леніна, у 1969 годзе — Акадэмію грамадскіх навук пры ЦК КПСС. кандыдат філасофскіх навук. З 1955—1959 гадах загадчык аддзела сельскай гаспадаркі раённай газеты «Ленинский призыв» Оршы. У 1959—1960 гадах рэдактар раённай газеты «Клич Ильича» ў Суражы, у 1960—1962 гадах і 1963 годзе намеснік рэдактара і рэдактар газеты «Ленинский призыв», у 1962—1963 гадах газеты «Днепровская правда». З 1963 года намеснік сакратара парткама Аршанскага вытворчага калгасна-саўгаснага кіравання.

У 1965-66 гадах 2-і сакратар Аршанскага РК КПБ. У 1969 годзе абараніў дысертацыю на тэму «Некаторыя тэарэтычныя праблемы палітычнай агітацыі». З 1969 года рэдактар ​​газеты «Віцебскі рабочы», з 1970 года сакратар Віцебскага абкама КПБ. У 1972-78 гадах інспектар, памочнік сакратара ЦК КПСС, намеснік загадчыка аддзела арганізацыйна-партыйнай работы ЦК КПСС. Са снежня 1978 года 2-і сакратар ЦК КПБ.

Член ЦК КПСС з 1981 года. Член ЦК КПБ з 1979 года, член Бюро ЦК КПБ з 1978 года. Дэпутат Вярхоўнага Савета СССР, Вярхоўнага Савета БССР з 1979 года.

З ліпеня 1983 года Старшыня Савета Міністраў Беларускай ССР. Са снежня 1985 года Надзвычайны і Паўнамоцны Пасол СССР у Польскай Народнай Рэспубліцы. З 1990 года на пенсіі. У 1979—1989 гадах дэпутат Вярхоўнага Савета СССР 10-11 скліканняў.

Памёр у 1992 годзе, пахаваны ў Маскве на Новадзявочых могілках.

Узнагароды

• Ордэн Леніна
• Два ордэна «Знак Пашаны»

Літаратура

• Государственная власть СССР. Высшие органы власти и управления и их руководители. 1923—1991 гг. Историко-биографический справочник./Сост. В. И. Ивкин. Москва, 1999. — ISBN 5-8243-0014-3
• Некоторые теоретические проблемы политической агитации : автореферат диссертации … кандидата философских наук : 621 / В. И. Бровиков. — Москва, 1969.
• Беларуская энцыклапедыя. У 18 т. Т. 3. — Мінск, 1996.
• Республика Беларусь : энциклопедия. [В 7 т.] Т. 2. — Минск, 2006.

Спасылкі

• Бровиков Владимир Игнатьевич, 12.05.1931
• Бровиков Владимир Игнатьевич