ФК Слуцк

Слуцк
ФК Слуцк.gif
Поўная назва	ГА «Спартыўны футбольны клуб „Слуцк“»
Заснаваны	1998
Горад	Слуцк, Беларусь
Стадыён	Гарадскі Умяшчальнасць: 1896
Старшыня	Віталь Бунас
Галоўны трэнер	Аляксандр Бразевіч
Чэмпіянат	Вышэйшая ліга
2020	14 месца
Сайт	Афіцыйны сайт
Асноўная форма Гасцявая форма

«Слуцк» — беларускі футбольны клуб з горада Слуцк, заснаваны ў 1998 годзе. У цяперашні час выступае ў Вышэйшай лізе чэмпіянату Беларусі.

Гісторыя

Клуб быў заснаваны ў 1998 годзе пад назвай «Слуцк», пазней стаў называцца «Слуцкцукар». Да 2007 гуляў у чэмпіянаце Мінскай вобласці, стаў чэмпіёнам вобласці ў 2002 і 2007.

У 2008 «Слуцкцукар» заявіўся ў Другую лігу, а па выніках сезона 2010 атрымаў месца ў Першай лізе. Тады ж клуб вярнуў назву «Слуцк».

У Першай лізе на працягу двух сезонаў клуб займаў пятае месца.

2013

У сезоне 2013 каманда разглядалася як адзін з фаварытаў турніру, але не лічылася галоўным прэтэндэнтам на павышэнне. Пачатак турніру атрымаўся не вельмі добры: каманда пацярпела паражэнні ў трэцім і чацвёртым турах. У выніку доўгі час прыйшлося даганяць галоўных канкурэнтаў: «Гарадзею» і «Віцебск». Пасля перамогі ў 14-м туры над «Віцебскам» (4:1) «Слуцк» выйшаў на другі радок, а пасля 21-га тура перагнаў «Гарадзею» і ўзначаліў турнірную табліцу. Пасля перамогі ў перадапошнім туры над «Віцебскам» (1:0) «Слуцк» стаў недасягальны для супернікаў і гарантаваў сабе выхад у Вышэйшую лігу.

2014

У сезоне 2014 каманда захавала асноўных ігракоў, узмацніўшыся пры гэтым шэрагам легіянераў. У выніку, каманда апынулася ў ніжняй частцы табліцы. Пазней, трохі паправіўшы сваё становішча, «Слуцк» узняўся на дзявяты радок, з якога пасля падзелу Вышэйшай лігі на шасцёркі трапіў у другую шасцёрку. У ніжняй палове табліцы справы ў «Слуцка» пайшлі лепш, ён узняўся на восьмае месца, але няўдалы фініш дазволіў гродзенскаму «Нёману» перагнаць случан, пакінуўшы тых дзявятымі.

2015

Сезон 2015 каманда пачала няўдала, неўзабаве апынуўшыся на апошнім радку табліцы. У жніўні 2015 года быў адпраўлены ў адстаўку шматгадовы галоўны тренер каманды Юрый Крот. Выконваць абавязкі галоўнага трэнера стаў ігрок каманды Вячаслаў Грыгараў. Пад яго кіраўніцтвам «Слуцк» здолеў паправіць сваё становішча, і сезон каманда скончыла на 11-м месцы з 14.

2016

У студзені 2016 года Грыгараў быў зацверджаны ў якасці галоўнага трэнера каманды. Пачатак сезона атрымаўся няўдалым, каманда апынулася ў зоне вылету. У чэрвені клуб развітаўся з вопытнымі ігракамі і лідарамі каманды — Ігарам Варанковым, Яўгенам Лашанковым і Сяргеем Цвяцінскім. У ліпені замест іх прыйшлі новыя ігракі, аднак каманда працягвала знаходзіцца ўнізе табліцы. Пасля паражэння ў верасні ад аўтсайдэра, мікашэвіцкага «Граніта», Грыгараў быў адпраўлены ў адстаўку, але неўзабаве кіраўніцтва клуба вырашыла пакінуць трэнера на пасадзе, а звольніць яго памочніка Андрэя Баса. Фініш каманда здолела правясці паспяхова, заняўшы выніковае 12-е месца з 16.

2017

У студзені 2017 года новым галоўным трэнерам замест Грыгарава быў прызначаны Віталь Паўлаў. Слуцкі клуб паспяхова пачаў сезон, выйшаўшы ў паўфінал Кубка Беларусі, а ў чэмпіянаце ішоў сярод лідараў, скончыўшы першую палову чэмпіянату на чацвёртым месцы. Другая палова сезона атрымалася для «Слуцка» менш удалай, і каманда заняла выніковы сёмы радок.

2018

Сезон 2018 каманда зноў пачала ўпэўнена і хутка апынулася сярод лідараў. Першую палову сезона «Слуцк» скончыў на пятым месцы. Аднак, другая палова сезона атрымалася значна горшай. Слуцкая каманда саступіла ў апошніх дзевяці матчах, але папярэдніх поспехаў хапіла, каб атрымаць выніковы восьмы радок.

2019

Сезон 2019 «Слуцк» пачаў няўдала і апынуўся недалёка ад зоны вылету, аднак добрая гульня ў сярэдзіне сезона дазволіла падняцца ў сярэдзіну табліцы. Пазней шэраг няўдач зноў апусціў каманду, аднак перамога ў апошнім туры дазволіла заняць выніковае 11-е месца.

2020

Слуцкі клуб добра пачаў сезон 2020, пасля сямі тураў аднаасобна ўзначальваў турнірную табліцу, нягледзячы на скарачэнне фінансавання з-за змены кіраўніцтва асноўнага спонсара — Слуцкага цукрарафінаднага камбіната (дырэктар камбіната Мікалай Пруднік, які падтрымліваў клуб, быў арыштаваны пад так званай «цукровай справе»). Аднак пазней пайшлі паражэнні за паражэннямі, і «Слуцк» апусціўся ў ніжнюю палову табліцы, а ў канцы турніру вымушаны быў весці барацьбу за выжыванне. Яшчэ ў чэрвені, пасля першых няўдач, каманду пакінуў галоўны трэнер Віталь Паўлаў, выканаўцам абавязкаў трэнера застаўся яго памочнік Аляксандр Кончыц, а ў кастрычніку «Слуцк» узначаліў Аляксандр Бразевіч. Пад яго кіраўніцтвам каманда заняла выніковае 14-е месца, аднак у стыкавых матчах за месца ў Вышэйшай лізе перайграла «Крумкачы» (2:0, 2:1) і засталася ў элітным дывізіёне.

2021 год

У пачатку сезона 2021 года фан-рух клуба адмовіўся падтрымліваць клуб, пакуль у краіне працягваюцца палітычныя судовыя справы, збіццё і забойства людей за ўласныя меркаванні.

Папярэднія назвы

• 1998—2003: «Слуцк»
• 2004—2010: «Слуцкцукар»
• з 2011: «Слуцк»

Дасягненні

• Пераможца чэмпіянату Мінскай вобласці (2): 2002, 2007
• Пераможца Першай лігі чэмпіянату Беларусі: 2013

Цяперашні склад

Станам на люты 2021 года, згодна з афіцыйным сайтам клуба.

№ Паз. Імя Нар. 1 Бр Дзмітрый Харытонаў 1997 30 Бр Ілья Бранавец 1990 15 Аб Андрэй Рум 2002 20 Аб Дзяніс Образаў 1988 25 Аб Ілья Рашчэня 1997 55 Аб Аляксандр Анюкевіч 1992 Аб Эдуард Жаўнераў 1987 3 ПА Андрэй Крэнь 2003 8 ПА Ягор Сямёнаў 1988 10 ПА Сяргей Глябко 1992 11 ПА Уладзіслаў Сычоў 2002 17 ПА Умар Махамед 1998 22 ПА Яўген Вялько 1997

№ Паз. Імя Нар. 23 ПА Ігар Бабко 1985 74 ПА Міхаіл Сачкоўскі 2002 77 ПА Дзмітрый Сасін 1996 88 ПА Кірыл Кладзько 2001 ПА Валерый Бачароў 2000 ПА Шота Гвазава 1992 ПА Юрый Клачкоў 1998 ПА Андрэй Патапенка 2000 ПА Раман Салімаў 1995 9 Нап Кірыл Вяргейчык 1991 87 Нап Яўген Апанасовіч 2002 Нап Стывен Альфрэд 1997

Рэзервовы склад

№ Паз. Імя Нар. 35 Бр Ілья Веліч 2002 Бр Багдан Малайчук 2003 Бр Ілья Мамай 2002 Аб Уладзіслаў Бяляеў 2003 Аб Данііл Гоцман 2003 Аб Уладзіслаў Карпеня 2001 Аб Мікіта Кухцік 2001 Аб Ігар Міхнавец 1998

№ Паз. Імя Нар. Аб Уладзіслаў Невяроўскі 1998 ПА Уладзіслаў Грамада 2002 ПА Уладзіслаў Кульчыцкі 2002 ПА Ілья Хацько 1999 ПА Уладзіслаў Чабатар 2001 Нап Уладзіслаў Арцем’еў 2000 Нап Станіслаў Прахарэнка 2002

Трэнерскі штаб

• Аляксандр Бразевіч (нар. 1973) — галоўны трэнер
• Дзмітрый Шчагрыковіч (нар. 1983) — трэнер
• Аляксандр Гурыновіч (нар. 1985) — трэнер
• Уладзімір Гаеў (нар. 1978) — трэнер брамнікаў
• Аляксандр Гардзейчык (нар. 1992) — галоўны трэнер дубля

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2008	Другая (Д3)	5	30	15	6	9	53–37	51	1/32 фіналу
2009	Другая (Д3)	4	26	14	3	9	49–37	45	1/16 фіналу
2010	Другая (Д3)	2	34	25	6	3	79–30	81	1/16 фіналу	Выхад у Першую лігу
2011	Першая (Д2)	5	30	13	10	7	44–33	49	1/16 фіналу
2012	Першая (Д2)	5	28	15	7	6	59–27	52	1/16 фіналу
2013	Першая (Д2)	1	30	19	9	2	54–19	66	1/8 фіналу	Выхад у Вышэйшую лігу
2014	Вышэйшая (Д1)	9	32	11	7	14	26–34	40	1/8 фіналу
2015	Вышэйшая (Д1)	11	26	6	7	13	26–30	25	Чвэрцьфінал
2016	Вышэйшая (Д1)	12	30	6	12	12	22–34	30	Паўфінал
2017	Вышэйшая (Д1)	7	30	12	8	10	30–34	44	Чвэрцьфінал
2018	Вышэйшая (Д1)	8	30	11	3	16	26–36	36	Чвэрцьфінал
2019	Вышэйшая (Д1)	11	30	9	7	14	29–46	34	1/8 фіналу
2020	Вышэйшая (Д1)	14	291	8	3	18	31–55	27	1/8 фіналу
	Пераходныя матчы2		2	2	0	0	4–1

• ¹ Матч апошняга тура Вышэйшай лігі 2020 «Слуцк» — «Смалявічы» са згоды АБФФ так і не быў згуляны.
• ² Пераходныя матчы за месца ў Вышэйшай лізе супраць «Крумкачоў» (Мінск), трэцяй каманды Першай лігі 2020 (2:0, 2:1).

Галоўныя трэнеры

• Юрый Крот (2005 — жнівень 2015)
• Вячаслаў Грыгараў (в.а. у жніўні 2015 — студзені 2016; студзень 2016 — студзень 2017)
• Віталь Паўлаў (студзень 2017 — чэрвень 2020)
• Аляксандр Кончыц (в.а. у чэрвені — кастрычніку 2020)
• Аляксандр Бразевіч (з кастрычніка 2020)

Спасылкі

• Афіцыйны сайт клуба (руск.)
• Профіль на сайце weltfussballarchiv.com (англ.)
• Профіль на сайце wildstat.ru (руск.)
• Профіль на сайце teams.by (руск.)