Галіна Леанідаўна Левіна

Галіна Леанідаўна Левіна
Дата нараджэння	7 чэрвеня 1963(1963-06-07) (60 гадоў)
Месца нараджэння	Мінск, БССР, СССР
Грамадзянства	СССР  Беларусь
Бацька	Леанід Мендэлевіч Левін
Маці	Афанасьева Наталля Мікалаеўна
Альма-матар	БПІ (1985)
Месца працы	Беларускі рэстаўрацыйна-праектны інстытут
Прэміі

Галіна Леанідаўна Левіна (нар. 7 чэрвеня 1963, Мінск) — беларускі архітэктар.

Біяграфія

Дачка архітэктараў Леаніда Левіна і Наталлі Афанасьевай. Скончыла ў 1985 годзе Беларускі політэхнічны інстытут. З 1985 года працавала ў Беларускім рэстаўрацыйным праектным інстытуце, з 1998 года дырэктар і галоўны архітэктар праектаў УП «Леоле».

Творчасць

Памятны знак на алеі Праведнікаў народаў свету ў Бабруйску

Асноўныя работы (усе ў суаўтарстве): у Мінску — помнік ахвярам мінскага гета «Яма», 2-я чарга комплексу адміністрацыйных будынкаў Міжнароднага агульнаадукацыйнага цэнтра (абодва 2000), адміністрацыйны будынак консульскага аддзела пасольства Германіі (2003), рэканструкцыя брацкай магілы на праспекце Дзяржынскага (2013); мемарыяльны комплекс «Дзецям — ахвярам Вялікай Айчыннай вайны 1941—1945 гг.» у в. Красны Бераг Жлобінскага раёна (2006); «Алея Праведнікаў народаў свету» (2005) і мемарыяльны знак вязням Бабруйскага гета (абодва г. Бабруйск, 2008), мемарыяльны знак ахвярам Халакосту ў г. Глуск (2010); рэканструкцыя і добраўпарадкаванне плошчы Давыда ў г. Давыд-Гарадок Столінскага раёна (2000), рэканструкцыя будынка сінагогі па вул. Крапоткіна ў Мінску (2004).

Аўтар праектаў рэканструкцыі помнікаў архітэктуры XVIII—XIX стст. ў Мінску, Валожыне, Полацку і інш. гарадах.

Узнагароды

Лаўрэат Дзяржаўнай прэміі Беларусі (2003).

Літаратура

• Левіна Галіна Леанідаўна // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі. — Т. 5. — 3 000 экз. — ISBN 978-985-11-0495-2.