Антон Кананчук: Розніца паміж версіямі
Новая старонка: '{{Асоба |імя = Антон Кананчук |арыгінал імя = |партрэт = Антон_Кананчук.jpg |ап...' |
(Няма розніцы)
|
Версія ад 09:34, 18 красавіка 2021
| Антон Кананчук | |
|---|---|
 | |
| Род дзейнасці | грамадскі дзеяч |
| Дата нараджэння | 20 ліпеня 1914 |
| Месца нараджэння | Патока, Беластоцкі павет, Гарадзенская губерня, Расійская імперыя |
| Дата смерці | 13 красавіка 1991 (76 гадоў) |
| Месца смерці | |
| Месца пахавання | |
| Жонка | Таццяна |
| Член у | |
Антон Кананчук (20 ліпеня 1914 — 13 красавіка 1991) — грамадскі дзеяч беларускай дыяспары ў ЗША.
Біяграфія
Нарадзіўся 20 ліпеня 1914 г. у в. Патока Беластоцкага павета Гарадзенскай губерні ў Расійскай імперыі (сёння Падляскае ваяводства, Польшча).
На пачатку Другой сусветнай вайны быў мабілізаваны ў Польскае Войска, трапіў у палон да немцаў.
Пасля вайны быў у польскім лагеры для перамешчаных асобаў Гогенфельц, дзе пазнаёміўся з будучай жонкай Таццянай. У 1945 г. ажаніліся, былі ў беларускіх лагерах у Віндышбэргэрдорфе ды Розэнгайме.
У 1951 г. разам жонкай выехаў у ЗША. Спачатку жыў у Нью-Ёрку, потым адным з першых беларусаў пасяліўся ў Кліўлендзе. Быў сябрам Беларуска-Амерыканскага задзіночання, уваходзіў у кіраўніцтва Кліўлендскага аддзела арганізацыі. Браў удзел у пабудове мясцовай царквы БАПЦ і цэнтра «Полацак». Быў старшынём парафіяльнай рады БАПЦ.
Памёр 13 красавіка 1991 г. Пахаваны ў Кліўлендзе на беларускай частцы Riverside Cemetery.
Літаратура
- Гардзіенка, Н. Дзеячы беларускай паваеннай эміграцыі (біяграфічны даведнік) // Запісы БІНІМ. — 2014. — № 37.