Гарадзец (Кобрынскі раён)

Аграгарадок Гарадзец Вуліца ў мястэчку, 1919—1939 гады Герб Сцяг Краіна Беларусь Вобласць Брэсцкая Раён Кобрынскі Сельсавет Гарадзецкі Каардынаты 52°12′14″ пн. ш. 24°39′44″ у. д. Насельніцтва 1 516 чалавек (1993) Часавы пояс UTC+3 Тэлефонны код +375 1642 Паштовы індэкс 225883 Аўтамабільны код 1 СААТА 1243812011 Гарадзец на карце Беларусі ±

Гарадзец на Вікісховішчы

Гарадзе́ц — аграгарадок, раней мястэчка, у Кобрынскім раёне Брэсцкай вобласці. Стаіць на беразе Каралеўскага канала, за 22 км на ўсход ад Кобрына, 1,5 км ад чыгуначнай станцыі Гарадзец, на аўтамабільнай дарозе Кобрын—Драгічын. Уваходзіць у склад і з’яўляецца цэнтрам Гарадзецкага сельсавета.

Гісторыя

Сядзіба Ордаў, 1877 год.

Школа, 1930-я гады.

Касцёл Звествання Найсвяцейшай Дзевы Марыі ў 1934 годзе.

Вялікае Княства Літоўскае

У XVI стагоддзі належыла ўдаве Стэфана Баторыя каралеве Ганне. У 1588 годзе ў ліку каралеўскіх вотчын атрымала магдэбургскае права. З 1795 года, пасля 3-га падзелу Рэчы Паспалітай у складзе Расійскай імперыі.

Расійская імперыя

У 1886 годзе — цэнтр воласці, у 1891 — мястэчка Кобрынскага павета Гродзенскай губерні. Мястэчка налічвала 1559 жыхароў, дзейнічалі праваслаўная царква, яўрэйская школа, прыстань, штогод праводзілася 2 кірмашы.

Найноўшы час

З 1921 года ў Кобрынскім павеце Палескага ваяводства. З 1939 — у складзе БССР, з 12.10.1940 — цэнтр Антопальскага сельсавета, з 8.8.1959 Кобрынскага раёна. У 1970 годзе ў вёсцы 1500 жыхароў, 411 двароў.

Указам Прэзідэнта Рэспублікі Беларусь ад 2.12.2008 года № 659 зацверджаны афіцыйныя геральдычныя сімвалы Гарадца — герб і сцяг.

Насельніцтва

• 1993 год — 569 двароў, 1516 жыхароў.

Інфраструктура

У вёсцы працуе гароднінасушыльны і цагельны камбінаты, сярэдняя школа, бібліятэка, клуб, бальніца, аддзяленне сувязі, 9 магазінаў.

Славутасці

• Свята-Ушэсцеўская царква (XVIII ст., драўляная) —  Гісторыка-культурная каштоўнасць Беларусі, шыфр 113В000418

Страчаная спадчына

• Касцёл Звествання Найсвяцейшай Дзевы Марыі (1865—1866 гады, мураваны) — перабудаваны ў царкву ў 1867—71 гадах архітэктарамі Барташэўскім, Кадрунцавым і Чакмасавым. За савецкім часам перабудаваны ў школу.

Літаратура

• Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 20 000 экз. — ISBN 5-85700-142-0.

Спасылкі

• На Вікісховішчы ёсць медыяфайлы па тэме Гарадзец (Кобрынскі раён)