Дзмітрый Аляксандравіч Сямёнаў: Розніца паміж версіямі
Новая старонка: '{{Асоба |імя = Дзмітры Сямёнаў |арыгінал імя = |партрэт = Дзмітры_Сямёнаў.jpg |...' |
(Няма розніцы)
|
Версія ад 09:11, 20 чэрвеня 2021
Дзмітры Сямёнаў | |
---|---|
Файл:Дзмітры Сямёнаў.jpg | |
Род дзейнасці | грамадскі дзеяч |
Дата нараджэння | 11 чэрвеня 1926 |
Месца нараджэння | Мінск, БССР |
Дата смерці | 29 верасня 1982 (56 гадоў) |
Месца смерці | Нью-Ёрк, ЗША |
Месца пахавання | |
Альма-матар |
Дзмітрый Аляксандравіч Сямёнаў (11 чэрвеня 1926 — 29 верасня 1982) — беларускі грамадскі дзеяч.[1]
Біяграфія
Нарадзіўся ў Мінску 11 чэрвеня 1926 г. Ягоныя бацькі, Аляксандр і Алёна з Турцэвічаў, былі эканамістамі з вышэйшаю асветаю.
У Другую сусветную вайну у часе нямецкай акупацыі вучыўся ў мінскай фельчарскай школе і працаваў у Краязнаўчым музеі пад кіраўніцтвам Антона Шукелойця.
У 1944 г. выехаў у Германію. Жыў у беларускіх лагерах для перамешчаных асобаў, удзельнічаў у беларускім скаўтынгу, дапамагаў Антону Адамовічу ў выданні «Ведамак». Аўтар «Дзённіка», які вёў у 1943—1947 гг. (выдадзены ў Мінску ў 2012 г.). Дзённік Дзмітры Сямёнаў пачаў весці 1 студзеня 1943 г, там ён сістэматычна запісваў тагачасныя падзеі: бягучае жыццё, вучобу, прызнанні ў каханні, паходы ў кіно, падрабязны рэпертуар мінскіх кінатэатраў за немцамі, сістэматычныя аблавы паліцыі, харчаванне ў той галодны час, таксама дакладна натуе і пазнейшае жыццё ў Германіі перад капітуляцыяй, першыя паваенныя гады.
На пачатку 1950-х прыбыў у ЗША. Жыў у Нью-Джэрсі. Вывучаў паліталогію ў Ратгерскім універсітэце. Працаваў хімікам.
Памёр 29 верасня 1982 г. Пахаваны ў Іст-Брансуіку на могілках царквы Жыровіцкай Божай Маці БАПЦ.
Цікавыя факты
- Дырэктар Беларускага інстытута навукі і мастацтва ў ЗША Вітаўт Кіпель падрабязна пракаментаваў «Дзённік».
Літаратура
- Дзмітры Сямёнаў. Дзённік. 1943—1947. Мінск: Медысонт, 2012. — 334 с. — (Бібліятэка часопіса «Беларускі Гістарычны Агляд», 23). ISBN 978-985-6982-68-5