Генадзь Станіслававіч Алейнікаў

Генадзь Станіслававіч Алейнікаў
Старшыня праўлення Нацыянальнага банка Беларусі 16 студзеня 1997 — 20 сакавіка 1998
Прэзідэнт	Аляксандр Рыгоравіч Лукашэнка
Кіраўнік урада	Сяргей Сцяпанавіч Лінг
Папярэднік	Тамара Дзмітрыеўна Віннікава
Пераемнік	Пётр Пятровіч Пракаповіч
Нараджэнне	10 лістапада 1947(1947-11-10) Мінск, БССР, СССР
Смерць	13 верасня 2017(2017-09-13) (69 гадоў) Мінск, Беларусь
Адукацыя	Усесаюзная акадэмія знешняга гандлю[d] (1985) Беларускі дзяржаўны інстытут народнай гаспадаркі імя В. У. Куйбышава (1985)
Дзейнасць	эканаміст
Узнагароды	Ганаровая грамата Савета Міністраў Рэспублікі Беларусь (10 лістапада 1997)

Генадзь Станіслававіч Алейнікаў (10 лістапада 1947, Мінск, БССР, СССР — 13 верасня 2017, Мінск, Беларусь) — беларускі эканаміст, старшыня праўлення Нацыянальнага банка Рэспублікі Беларусь (1997—1998).

Адукацыя

Скончыў у 1977 г. Беларускі дзяржаўны інстытут народнай гаспадаркі па спецыяльнасці «Грашовы зварот і крэдыт», а таксама ў 1985 г. факультэт эканамістаў-міжнароднікаў Акадэміі знешняга гандлю ў Маскве — па спецыяльнасці «Міжнародныя эканамічныя адносіны» з веданнем замежнай мовы.

Валодаў англійскай і французскай мовамі.

Сям’я

Жонка — Вольга Віталеўна Алейнікава (нар. у 1951 г.), дырэктар РНПЦ дзіцячай анкалогіі, гематалогіі і імуналогіі (Беларусь), прафесар. Генадзь Алейнікаў нарадзіўся ў адзін дзень са сваёй жонкай Вольгай — 10 лістапада.

У сям’і нарадзілася трое сыноў: сярод іх вядомы — Максім Генадзевіч Алейнікаў, кампазітар, прадзюсар гурта «Топлесс» (Беларусь).

Працоўная дзейнасць

Пачаў працаваць у банкаўскай галіне ў Мінску — у 1977—1978 гг. крэдытным інспектарам мінскага Фрунзенскага аддзялення Дзяржбанка СССР.

У 1978—1982 гг. — быў кіраўніком Цэнтральнага аддзялення Дзяржбанка гарадской канторы Дзяржбанка СССР.

У 1985—1987 гг. — працаваў намеснікам кіраўніка Мінскай гарадской канторы Дзяржбанка СССР.

У 1987—1988 гг. — быў намеснікам старшыні выканкама Ленінскага раёна г. Мінска.

У 1988—1989 гг. — працаваў намеснікам упраўлення Мінскага гарадскога ўпраўлення Дзяржбанка СССР.

З 1989 г. па лістапад 1991 г. быў намеснікам старшыні праўлення — начальнікам планава-эканамічнага ўпраўлення Беларускага рэспубліканскага банка Знешэканамбанка СССР.

Пасля роспуску СССР, з лістапада 1991 г. па 1997 г. Генадзь Алейнікаў узначальваў Банк знешнеэканамічнай дзейнасці Рэспублікі Беларусь («Белзнешэканамбанк») — быў яго прэзідэнтам (старшынёй савета дырэктароў).

З 16 студзеня 1997 г. па 20 сакавіка 1998 г. Генадзь Алейнікаў быў старшынёй праўлення Нацыянальнага банка Рэспублікі Беларусь. 30 студзеня 1997 г. увайшоў у склад Савета Міністраў Рэспублікі Беларусь, а з 5 лютага 1997 г. быў членам Прэзідыума Савета Міністраў Рэспублікі Беларусь. З 10 лютага 1997 г. па 28 мая 1998 г. уваходзіў у склад валютна-крэдытнай камісіі Савета Міністраў Рэспублікі Беларусь. Быў адпраўлены ў адстаўку з пасады старшыні Нацбанка па прычыне рэзкага падзення нацыянальнай валюты.

Пазней, у тым жа 1998 г. Генадзь Алейнікаў узначаліў да снежня 2007 г. Банк міжнароднага гандлю і інвестыцый («Межторгбанк»), які ў 2007 г. быў прададзены банку «Альфа-Банк» (Расія), а сам Алейнікаў пакінуў пасаду старшыні праўлення Банка міжнароднага гандлю і інвестыцый.

Узнагароды

• 10 лістапада 1997 г. — Ганаровая грамата Савета Міністраў Рэспублікі Беларусь (за шматгадовую добрасумленную працу ў банкаўскай сістэме рэспублікі і ў сувязі з 50-годдзем з дня нараджэння)

Спасылкі

• Геннадий Станиславович АЛЕЙНИКОВ
• Указ Президента Республики Беларусь от 16 января 1997 г. №65 "О назначении Г.С. Алейникова Председателем Правления Национального банка Республики Беларусь"
• Указ Президента Республики Беларусь от 20 марта 1998 г. № 149 Об освобождении Г.С. Алейникова от должности Председателя Правления Национального банка Республики Беларусь
• Геннадий АЛЕЙНИКОВ: К миллиарду долларов приближаются наши вложения в реальный сектор экономики
• Директор РНПЦ детской онкологии, гематологии и иммунологии Ольга Алейникова: «Дарить жизнь — это счастье»
• Умер бывший глава Нацбанка Геннадий Алейников

Літаратура

• Кто есть кто в Беларуси. Хто ёсць хто ў Беларусі. Who is who in Belsrus / Сост. В.Ф. Голубев, А.А. Смольский, В.А. Тригубович, А.И. Федута, В.А. Чуйко. - Минск: Мэджик Бук, 2004. - 284 с.