Веньямін Міхайлавіч Захараў

Веньямін Міхайлавіч Захараў
Дата нараджэння	22 студзеня 1969(1969-01-22)
Месца нараджэння	Мінск, БССР, СССР
Дата смерці	8 сакавіка 2024(2024-03-08) (55 гадоў)
Грамадзянства	Беларусь
Адукацыя	Беларуская дзяржаўная харэаграфічная гімназія-каледж
Прафесія	артыст балета
Гады актыўнасці	1987—2001
Тэатр	Нацыянальны акадэмічны Вялікі тэатр оперы і балета
Узнагароды	Заслужаны артыст Беларусі (1994)

Веньямін Міхайлавіч Заха́раў (нар. 22 студзеня 1969, Мінск, БССР) — беларускі артыст балета. Заслужаны артыст Беларусі (1994).

Біяграфія

Скончыў Беларускае харэаграфічнае вучылішча ў 1987 годзе. У 1987—2001 гадах саліст Нацыянальнага акадэмічнага тэатра балета Беларусі. Яго танец вызначаюць пластычная выразнасць, высокі скачок, тэмперамент, імкненне да раскрыцця ўнутранага свету герояў. Сярод партый: Зігфрыд, Дэзірэ, Прынц («Лебядзінае возера», «Спячая прыгажуня», «Шчаўкунок» П. Чайкоўскага), Крас і Спартак («Спартак» А. Хачатурана), Базіль і Эспада, Салор («Дон Кіхот», «Баядэрка» Л. Мінкуса), Тарэра і Хазэ («Кармэн-сюіта» Ж. Бізэ—Р. Шчадрына), Бог («Стварэнне свету» А. Пятрова), Алі і Конрад, Альберт («Карсар», «Жызэль» А. Адана), Юнак («Вясна свяшчэнная» І. Стравінскага), Жан дэ Брыен («Раймонда» А. Глазунова), Уладзімір («Страсці» А. Мдывані; Дзяржаўная прэмія Беларусі 1996).

Лаўрэат міжнародных конкурсаў артыстаў балета імя С. Дзягілева (Масква, 1992, 2-я прэмія СЛіфара), «Арабеск-92» (Перм, Расія), 7-га Міжнарароднага конкурсу артыстаў балета (Масква, 1993, 2-я прэмія і прыз за лепшае выкананне сучаснай харэаграфіі).

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
• Республика Беларусь : энциклопедия. [В 7 т.]. Т. 3. — Минск, 2006.
• Тэатральная Беларусь : энцыклапедыя. У 2 т. Т. 1. — Мінск, 2002.