Нестар

Нестар (грэч. Νέστωρ), герой старажытнагрэчаскай міфалогіі, цар Піласа. Сын Нелея, унук Пасейдона. Паводле “Іліады” Гамера Нестар – адзін з правадыроў грэчаскага войска ў Траянскай вайне, сярод якіх ён вылучаецца мудрасцю і красамоўствам. З-за старасці Нестар амаль не ўдзельнічае ў баях, але дапамагае грэкам разумнымі парадамі. У “Адысеі” Нестар расказвае сыну Адысея Тэлемаху аб вяртанні грэкаў з-пад Троі. У сусветнай літаратуры імя Нестара стала сімвалам мудрай старасці.

Літаратура

• Блаватская Т.В. Ахейская Греция во втором тысячелетии до н. э., М., 1966;
• Гомер Илиада, М., 1993;
• Его же Одиссея, М., 1993;
• Кун Н.А. Легенды и мифы древней Греции, Минск, 1989.