Уладзімір Паўлавіч Дзямідчык

Уладзімір Паўлавіч Дзямідчык
Дата нараджэння	1930
Месца нараджэння	Барысаў, БССР, СССР
Дата смерці	3 верасня 1977(1977-09-03)
Род дзейнасці	арабіст
Месца працы	Таджыкскі нацыянальны ўніверсітэт Акадэмія навук Рэспублікі Таджыкістан[d]
Навуковая ступень	доктар філалагічных навук
Альма-матар	усходні факультэт СПбДУ[d] (1954)

Уладзімір Паўлавіч Дзямідчык (1930, г. Барысаў, БССР — 3 верасня 1977) — таджыкскі вучоны-арабіст, доктар філалагічных навук.

Біяграфія

Нарадзіўся ў Барысаве. Закончыў усходні факультэт Ленінградскага ўніверсітэта (1954). Патрапіў на працу ў Душанбэ. Працаваў выкладчыкам у Таджыкскім універсітэце. Паралельна працаваў у Інстытуце ўсходазнаўства Акадэміі навук Таджыкскай ССР. Чытаў лекцыі ва ўніверсітэтах Сірыі, Егіпта, Ірака, Палесціны, Іарданіі, Судана, Лівана. Вучоны рыхтаваў аспірантаў, дапамагаў у вывучэнні нацыянальных літаратурных помнікаў.

Стварыў «Падручнік арабскай мовы» (1958), «Нарыс сучаснай арабскай літаратуры» (1965). Выдаў кнігу па суданскай паэзіі XX стагоддзя: «Суданская паэзія XX ст.» (Душанбэ, 1972).

Займаўся рукапісамі арабскіх філосафаў, географаў і падарожнікаў, перакладаў іх тэксты на рускую мову. Пісаў вершы, апавяданні.

Спасылкі

• Беларусы ў свеце. Арабіст Уладзімір Дзямідчык