Афанасьеўская археалагічная культура

Афанасьеўская культура Бронзавы век
Геаграфічны рэгіён	Цэнтральная Азія
Лакалізацыя	Сібір, Казахстан, Манголія, заходні Кітай
Датаванне	3 тысячагоддзе да н.э. — 2 тысячагоддзе да н.э.
Носьбіты	арыі
Тып гаспадаркі	жывёлагадоўля, паляванне
Даследчыкі	С. А. Цеплаухаў
Пераемнасць
Ямная культура → Андронаўская культура, Акунёўская культура
Медыяфайлы на Вікісховішчы

Афанасьеўская культура — археалагічная культура бронзавага веку ў Цэнтральнай Азіі і Сібіры. Існавала ў перыяд 3 тысячагоддзе да н.э. — 2 тысячагоддзе да н.э..

Этымалогія

Помнікі Афанасьеўскай культуры даследуюцца з 1865 г., аднак вылучана ў асобную культуру толькі ў 1922 г. С. А. Цеплаухавым на аснове раскопак каля Афанасьеўскай гары ў Хакасіі.

Паходжанне

Носьбіты Афанасьеўскай культуры антрапалагічна належылі да еўрапеоідаў. Большасць даследчыкаў атаесамляе іх з выхадцамі еўрапейскай ямнай культуры.

Асаблівасці

Носьбіты Афанасьеўскай культуры займаіся адгоннай жывёлагадоўляй і паляваннем. Рэшткі плавільні сведчаць пра вытворчасць медзі і бронзы. У Горным Алтаі знойдзена паселішча, якое складалася з паўзямлянкавых жытлаў прамавугольнай формы. Дно агменяў выкладвалі камянямі. Вядомы таксама горныя і пячорныя станы, што ўжываліся пастухамі. Некаторыя даследчыкі мяркуюць, што афанасьеўская тэхналогія выплаўкі металаў доўгі час заставалася ізаляванай ад іншых рэгіёнаў.

Лепей вывучаны магільні. Яны адрозніваюцца невялікімі памерамі, часцяком сустракаюцца курганы. Магільныя камеры ўяўляюць колы з каменю і каменных пліт, зверху перакрытыя драўляным бярвеннем ці каменнымі плітамі. Нябожчыкі ляжаць на спіне з сагнутымі ў каленах нагамі ці на боку ў скурчаным стане. У магільні клалаўся керамічны або драўляны посуд, каменныя сякеры, бронзавыя прылады, ювелірныя вырабы з камення, золата, медзі, срэбра.

Спасылкі

• Афанасьевская культура // «Историческая энциклопедия Сибири» (2009)
• Афанасьевская культура. Эпоха энеолита
• Первые скотоводы и металлурги Хакасии