Адальберан Рэймскі

Адальберан Рэймскі
Adalbéron de Reims
архібіскуп Рэймса 969 — 989
Царква	Каталіцкая
Папярэднік	Адэльрык Рэймскі
Пераемнік	Арнульф
Дзейнасць	святар, архіепіскап, пісьменнік
Нараджэнне	невядома Францыя
Смерць	23 студзеня 989 ці 24 студзеня 988 Рэймс, arrondissement of Reims[d], дэпартамент Марна, рэгіён Шампань — Ардэны, Францыя
Дынастыя	Вігерыхіды[d]
Бацька	Газела[d]
Маці	Уда Мецкая[d]
Медыяфайлы на Вікісховішчы

Адальбе́ран Рэ́ймскі (фр.: Adalbéron de Reims; каля 935/940 — 23 студзеня 989) — французскі царкоўны і дзяржаўны дзеяч. У 969—989 гадах — архібіскуп Рэймса, каралеўскі канцлер пры Лотары Французскім і Людовіку V. Адальберана звалі адным з найбольш выдатных дзеячаў свайго часу. Ён займаўся дзяржаўнай дзейнасцю ў складаным становішчы распаду Франкскай імперыі Каралінгаў і фармаванні французскай дзяржавы. Ён браў удзел у шматлікіх ваенных сутыкненнях і дыпламатычных перамовах паміж французскімі каралямі і германскімі імператарамі другой паловы X стагоддзя.

Дзяржаўная дзейнасць

Адальберан паходзіў са знатнага Латарынгскага роду Вігерыхідаў (ці Ардэнскага дому). Сын Газела (Газліна), графа Бідгау, унук заснавальніка дынастыі Вігерыха. Ён быў адданы імперскай ідэі і змагаўся з сепаратызмам герцагаў як у Баварыі, так і ў Латарынгіі.

Паступова адбываецца збліжэнне Адальберана з Гуга Капетам. Адальберан становіцца пасля смерці ў 986 караля Лотара Французскага бліжэйшым саветнікам якая каралевы-ўдавы Эмы.

Інтрыгі Адальберана супраць Людовіка V на карысць Гуга Капета прыводзяць да адкрытага разрыву паміж каралём і яго канцлерам. У маі 987 пачынаецца судовы працэс супраць Адальберана ў Камп'ене, але раптоўная гібель Людовіка V падчас палявання змяняе ўсю сітуацыю.

На выбарчым сходзе ў Санлісе Адальберан актыўна агітуе на карысць абрання Гуга Капета. 3 ліпеня 987 Гуга Капет быў абраны каралём Францыі і каранаваны ў Нуаёне, заснаваўшы дынастыю Капетынгаў і паклаўшы пачатак сапраўды французскай дзяржаўнасці.

Культурная дзейнасць

Пры Адальберане Рэймс быў таксама культурным цэнтрам. Быў пашыраны і ўпрыгожаны сабор Нотр-Дам-дэ-Рэймс. У школе кляштара Святога Рэмігія выкладаў логік Геран, а затым буйны вучоны свайго часу Герберт Арыльякскі.

Літаратура

• Адсон де Монтьер-ан-Дер. Новые записки о галлах.
• Рихер Реймский. История = Historiarum Libri IIII / Пер. с лат., сост., коммент. и указ. А. В. Тарасовой; отв. ред. И. С. Филиппов. — М.: РОССПЭН, 1997. — 322 с. — (Классики античности и средневековья). — 3000 экз. — ISBN 5-86004-074-1

Спасылкі

• COMTES d'ARDENNE (англ.). Foundation for Medieval Genealogy. Праверана 17 снежня 2011.
• Gozelo Graf im Ardennengau (ням.). Genealogie Mittelalter: Mittelalterliche Genealogie im Deutschen Reich bis zum Ende der Staufer. Архівавана з першакрыніцы 2 красавіка 2012. Праверана 17 снежня 2011.