Рыгор Іванавіч Шавякоў

Рыгор Іванавіч Шавякоў
Дата нараджэння	12 лістапада 1911(1911-11-12)
Месца нараджэння	Богава[d], Яфрэмаўскі павет[d], Тульская губерня, Расійская імперыя
Дата смерці	13 студзеня 1986(1986-01-13) (74 гады)
Месца смерці	Рось, Роскі сельсавет, Ваўкавыскі раён, Гродзенская вобласць, БССР, СССР
Месца пахавання	Рось Ваўкавыскі раён
Альма-матар	Маскоўскі зоаветэрынарны інстытут[d] (1936)
Партыя	КПСС
Член у	Цэнтральны камітэт КПБ
Бітвы/войны	Вялікая Айчынная вайна
Узнагароды і прэміі

Рыгор Іванавіч Шавякоў (12 лістапада 1911, в. Богава, Яфрэмаўскі раён, Тульская вобласць — 13 снежня 1986) — удзельнік Вялікай Айчыннай вайны, Герой Сацыялістычнай Працы (1958), заслужаны працаўнік сельскай гаспадаркі БССР (1973)

Біяграфія

Бацькі — Іван Рыгоравіч і Ксенія Паўлаўна Шавяковы. Шавяковы гадавалі шасцярых дзяцей. Чацвярых сыноў: Івана, Міхаіла, Мікалая, Рыгора і дзвюх дачок: Яўгену і Ганну.

Калі пачалася Першая сусветная вайна бацьку мабілізавалі ў дзеючую армію, загінуў у мазурскіх балотах. Удаве царскі ўрад прызначыў пенсію і палоннага аўстрыйскага салдата дапамагаць па гаспадарцы.

Пасля школы паступіў у Маскоўскую ветэрынарную акадэмію. Пасля акадэміі, працуючы ў адным з раёнаў Разанскай вобласці. У 1936 годзе закончыў Маскоўскі ветэрынарны інстытут.

З пачаткам Вялікай Айчыннай вайны прызваны ў Чырвоную Армію. У палявых паходных лазарэтах ваенветурач Шавякоў лячыў параненых і хворых коней. З 1943 годзе быў начальнікам хірургічнага аддзялення ветэрынарнага лазарэта фронту. Пасля вайны і да 1948 года служыў у Беларускай ваенным акрузе.

Пасля дэмабілізацыі — у Ваўкавыскім раёне ён трохі прабыў галоўным ветврачом. З мая 1950 года дырэктар, з 1975 года старшы інспектар па кадрах племзавода «Рось». Член ЦК КПБ у 1961—1966 гадах. Дэпутат Вярхоўнага Савета БССР у 1955—1963 гадах, дэпутат ХХI з’езда КПСС.

Памёр 13 студзеня 1986 года. Пахаваны ў г. п. Рось, на магіле ўсталяваны бюст. Імем Шавякова названая вуліца ў г. п. Рось. У музеі баявой і працоўнай славы племзавода «Рось» экспануюцца матэрыялы пра яго.

Узнагароды

Званне Героя прысвоена за поспехі ў развіцці сельскай гаспадаркі і ўкараненне ў вытворчасць дасягненняў навукі і перадавога вопыту.

Узнагароджаны ордэнамі Леніна, Працоўнага Чырвонага Сцяга, Кастрычніцкай рэвалюцыі, Айчыннай вайны II ступені, Чырвонай Зоркі, медалямі.