Джэймс Шлезінгер

Джэймс Шлезінгер
Род дзейнасці	эканаміст, палітык, выкладчык універсітэта
Дата нараджэння	15 лютага 1929(1929-02-15)
Месца нараджэння	Нью-Ёрк, Нью-Ёрк, ЗША
Дата смерці	27 сакавіка 2014(2014-03-27) (85 гадоў)
Месца смерці	Балтымар, Мэрыленд, ЗША
Грамадзянства	ЗША
Веравызнанне	лютэранства
Месца працы	Вірджынскі ўніверсітэт
Альма-матар	Гарвардскі ўніверсітэт Horace Mann School[d]
Партыя	Рэспубліканская партыя ЗША
Медыяфайлы на Вікісховішчы

Джэймс Родні Шлезінгер (англ.: James Rodney Schlesinger, 15 лютага 1929, Нью-Ёрк — 27 сакавіка 2014, Балтымар, Мэрыленд) — амерыканскі дзяржаўны дзеяч, дырэктар Цэнтральнай разведкі (1973, люты-ліпень), міністр абароны ЗША (1973—1975) , міністр энергетыкі ЗША (1977—1979).

Біяграфія

Нарадзіўся ў Нью-Ёрку ў сям’і габрэйскіх эмігрантаў з Літвы і Аўстрыі. У дарослым узросце стаў лютаранінам. Скончыў Гарвардскі ўніверсітэт, атрымаў у 1950 годзе ступень бакалаўра, у 1952 годзе — магістра і ў 1956 годзе — доктара эканомікі.

У 1955—1963 гадах — асістэнт, а затым дацэнт эканомікі ў Віргінскія універсітэта. Адначасова ў 1962—1963 гадах працаваў кансультантам Савета кіраўнікоў Федэральнай рэзервовай сістэмы.

У 1963—1967 гадах — член кіраўніцтва кампаніі «Рэнд Карпарэйшн», якая выконвала ваенныя заказы. У 1967—1969 гадах узначальваў у ёй аддзяленне стратэгічных даследаванняў. У 1969—1970 гадах — памочнік, а затым выконваючы абавязкі намесніка дырэктара Адміністрацыйна-бюджэтнага ўпраўлення. У 1970—1971 гадах — памочнік дырэктара Адміністрацыйна-бюджэтнага ўпраўлення.

У 1971—1973 гадах — старшыня Камісіі па атамнай энергіі. 21 снежня 1972 года прызначаны прэзідэнтам Рычардам Ніксанам дырэктарам Цэнтральнай разведкі і кіраўніком ЦРУ. 23 студзеня 1973 года зацверджаны Сенатам, 2 лютага ўступіў у пасаду. Узначальваў ЦРУ да 2 ліпеня 1973 года. З ліпеня 1973 па лістапад 1975 гады — міністр абароны ЗША.

Cа жніўня 1977 па жнівень 1979 года — міністр энергетыкі ва ўрадзе прэзідэнта-дэмакрата Джымі Картэра, які стварыў Міністэрства энергетыкі ЗША.