Алег Ігаравіч Хадоска

Алег Ігаравіч Хадоска
Дата нараджэння	21 сакавіка 1964(1964-03-21) (60 гадоў)
Месца нараджэння	Алматы, Алмацінская вобласць, Казахская ССР, СССР
Альма-матар	Беларуская дзяржаўная кансерваторыя імя А. В. Луначарскага (1987)
Месца працы	Дзяржаўная акадэмічная харавая капэла Рэспублікі Беларусь імя Рыгора Шырмы Беларуская дзяржаўная акадэмія музыкі
Музычная дзейнасць
Педагог	Анатоль Васільевіч Багатыроў
Прафесіі	кампазітар
Грамадская дзейнасць
Член у	Беларускі саюз кампазітараў Саюз музычных дзеячаў Беларусі
Прэміі	Залаты купідон Нацыянальная тэатральная прэмія
Узнагароды

Алег Ігаравіч Хадоска (нар. 21 сакавіка 1964, Алма-Ата, Казахстан) — беларускі кампазітар.

Біяграфія

Скончыў у 1987 годзе Беларускую дзяржаўную кансерваторыю (клас кампазіцыі А. В. Багатырова), там жа асістэнтуру-стажыроўку (1989). 3 1989 года артыст Дзяржаўнай акадэмічнай харавой капэлы Беларусі імя Р. Шырмы. Член Беларускага саюза кампазітараў з 1988 года, Беларускага саюза музычных дзеячаў з 2005 года.

Выкладае ў Беларускай дзяржаўнай акадэміі музыкі з 2000 года, з 2004 года — на асноўнай працы. З 2004 года — старшы выкладчык, з 2012 — дацэнт, прафесар кафедры кампазіцыі. Сярод ягоных выхаванцаў — кампазітары Ю. Цагойка, П. Шведаў, лаўрэаты міжнародных конкурсаў Я. Яўневіч, І. Кулагіна, Я. Лобан і інш.

З’яўляецца членам журы рэспубліканскіх і міжнародных конкурсаў, у т.л. міжнароднага фестывалю «Моладзь за Саюзную дзяржаву» (2009, Растоў-на-Доне, Расійская Федэрацыя), Рэспубліканскага конкурса «Зорка ўзышла над Беларуссю» (2010), Фестывалю-конкурса нацыянальнай харавой музыкі «Рэха» (2010) і інш. Член рэпертуарна-рэдакцыйнай камісіі Міністэрства культуры Рэспублікі Беларусь.

Творчасць

Найболшыя дасягненні ў галіне сімфанічнай і харавой музыкі: 4 сімфоніі (1992, 1996, 1998, 2000); кантаты «Край ты мой, родны край», «Калоднікі» (словы А. К. Талстога; 1979), Прэлюдыі для фартэпіяна (1980), Трыпціх для фартэпіяна (1981), Дзіцячыя п’есы для фартэпіяна (1980—1982), «Ты пакінуў, Джэмі» (словы Р. Бёрнса), «Калыханка» (словы М. Чабышовай; 1982), Ронда для флейты і фартэпіяна (1983), вакальны цыкл для меца-сапрана і фартэпіяна «Беларускi альбом» (1984), Струнны № 1 (1985), сімфанічная паэма «Сымон-музыка» (1986), кантата для змешанага хору і сімфанічнага аркестра «Песні Белай Русі» (1987), Струнны квартэт № 2 (1988), балет «Залаты ключык» (клавір; 1989), балет «Залаты ключык» (партытура; 1990), Сюіты з балета «Залаты ключык» № 1, 2, 3 (1991), камерная музыка для струннага аркестра і фартэпіяна (1992), музыка да тэлефільма «Пайсці і не вярнуцца» (рэж. М. Князеў; 1992), Сімфонія № 1 «Пакаяная» (1992), Літургія Іаана Залатавуста (1993), музыка да мастацкага фільма «Вогненны стралок» (рэж. М. Князеў; 1994), музыка да дакументальнага фільма «Сымон Будны» (рэж. М. Князеў; 1995), Сімфонія № 2 «Via dolorosa» (1996), музыка да спектакля «Каханне смешнага чалавека» (рэж. М. Князеў; 1996), вакальны цыкл для тэнара і фартэпіяна «Вогнішча, якое памірае» (словы В. Брусава; 1996), «Усяночнае дбанне» (1997), Сімфонія № 3 «Памяці Франсуа Віёна» (першая рэд.; 1998), Харавы канцэрт «Памяці Альфрэда Шнітке» (словы М. Ламаносава і Г. Дзяржавіна; 1998), кантата для змешанага хору «Псалмы-калядкi» (1999), Сімфонія № 4 «Белая Русь» (2000), Музыка да спектакля «Падступства і каханне» (рэж. У. Шчэрбань; 2000), «Святло дагараючай свечкі» для сімфанічнага аркестра (2001), музыка да спектакля «Шэсць персанажаў у пошуках аўтара» (рэж. Р. Таліпаў; 2002), Сімф. № 3 «Памяці Франсуа Віёна» (другая рэд.; 2003), сюіта для сімфанічнага аркестра «Музыка для віртуальнага спектакля» (2004), музыка да спектакля «Івона — прынцэса Бургундская» (рэж. А. Гарцуеў; 2004), саната для баяна (2004), балет «Золушка» (балетмайстар Р. Паклітару; 2005), опера «Цень» (клавір; 2005), опера «Цень» (партытура; 2006), опера «Чорны манах» (партытура; 2007), опера «Чорны манах» (клавір; 2008), маленькая кантата для хору a capella «Рэпетыцыя хору» (2008), песня «Ave Maria» (словы А. Скарынкіна; 2008), «Stabat Mater» для меца сапрана, змешанага хору і сімфанічнага аркестра (партытура; 2009), «Stabat Mater» для меца-сапрана, змешанага хору і сімфанічнага аркесра (клавір; 2009), музыка да спектакля «Не мой» (рэж. А. Гарцуеў; 2009), музыка да мастацкага фільма «Масакра» (рэж. А. Кудзіненка; 2010), балет «Зала чакання» (2011).

Узнагароды

• Лаўрэат Усесаюзных конкурсаў студэнтаў-кампазітараў у г. Маскве (1985, 1987);
• Сярэбраны медаль ВДНГ СССР (1988);
• Дзяржаўная прэмія Рэспублікі Беларусь у галіне літаратуры, мастацтва і архітэктуры (2002) — за сімфонію № 1 «Пакаянная» і твор для змяшанага хора «Усяночнае дбанне», выкананыя ў 1997—1998 гадах;
• Рэспубліканская прэмія «Залаты купідон» (2009);
• Нацыянальная тэатральная прэмія (2011);
• Медаль Францыска Скарыны (2022).

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 520. — 10 000 экз. — ISBN 985-11-0035-8. — ISBN 985-11-0263-6 (т. 16).
• Кампазiтары Беларусi / Т. Г. Мдзівані, Р. І. Сергіенка. — Мінск, 1997. — С. 341
• Культура Беларусі : энцыклапедыя : [у 6 т.]. — Мінск, 2015. — Т. 6. — С. 423
• Республика Беларусь : энциклопедия : [в 7 т.]. — Минск, 2008. — Т. 7. — С. 425
• Мушынская Т. «Таленавітасць выяўляецца ў чуласці…» // Маладосць. 1999. № 10;
• Багатыроў А. «Яго музыка блізкая і зразумелая…» // Роднае слова. 2000. № 5;
• Сяўрук А. Беларускае царкоўнаспеўнае мастацтва і творы Алега Хадоскі // Роднае слова. 2002. № 10.

Спасылкі

• Хадоска Алег Ігаравіч на сайце Беларускай дзяржаўнай акадэміі музыкі
• Алег Ігаравіч ХАДОСКА на Беларускім харавым партале
• Алег Хадоска: Лепш сябе адчуваю, калі творы з’яўляюцца