Касцёл Святога Сымона і Святой Алены

Касцёл святых Сымона і Алены

Касцёл святых Сымона і Алены (таксама вядомы як Чырвоны касцёл) — каталіцкі касцёл у Мінску.

Касцёл быў пабудаваны ў 1905—1910 гадах паводле праекта архітэктара Тамаша Пайздэрскага ў новараманскім стылі. Фундатарам выступіў грамадскі дзеяч Эдвард Вайніловіч, касцёл асвечаны і названы ў гонар святых апекуноў ягоных памерлых дзяцей Сымона і Алены. Менавіта Вайніловіч выбраў архітэктара, зацікавіўшыся падобным храмам, які Пайздэрскі збудаваў раней — касцёлам святой Альжбэты ў польскім мястэчку Ютросін.

У 1923 годзе касцёл быў разрабаваны бальшавікамі, а ў 1932 годзе — канчаткова зачынены і прыстасаваны пад патрэбы Дзяржаўнага польскага тэатру БССР. Перад Другой сусветнай вайной у касцёле размясцілася кінастудыя.

У 1941 годзе нямецкія акупацыйныя ўлады дазволілі адчыніць касцёл для набажэнстваў, пасля вайны храм быў зноў зачынены камуністамі. Пасля Другой сусветнай вайны будынак касцёлу быў перабудаваны пад кінастудыю «Савецкая Беларусь».

У 1990 годзе храм быў вернуты каталіцкаму касцёлу, пачаліся працы па яго адраджэнні і рэстаўрацыі. Касьцёл зрабіўся цэнтрам рэлігійнага, культурнага і грамадзкага жыцьця, пры ім утварыліся хор, бібліятэка, маладзежны тэатр.

Спасылкі

• На Вікісховішчы ёсць медыяфайлы па тэме Касцёл Святога Сымона і Святой Алены
• Здымкі на Radzima.org
• Здымкі на Globus.tut.by
• Красный костёл