Цітаўка (прыток Свіслачы)

Шаблон:Вызнч — рака ў Пухавіцкім раёне Беларусі, правы прыток Свіслачы (басейн Дняпра). Даўжыня 33 км. Вадазбор 372 км². Сярэднегадавы расход вады ў вусці 2,16 м³/с. Сярэдні нахіл воднай паверхні 0,3 ‰. На рацэ: г. Мар'іна Горка. Пачынаецца з ракі Пціч за 1,5 км на паўднёвы ўсход ад в. Русаковічы, вусце ў в. Пухавічы. Цячэ па заходняй ускраіне Цэнтральнабярэзінскай раўніны. Даліна ў верхнім і сярэднім цячэнні невыразная, у нізоўі трапецападобная або скрынкападобная са стромкімі схіламі. Пойма ў верхнім і сярэднім цячэнні адсутнічае, у ніжнім вузкая, месцамі адсутнічае, шырынёй 0,5—0,8 км. Рэчышча (шырыня ад 10 м да 20 м) ад вытоку да в. Загай на працягу 16 км каналізаванае.