Іслач (рака)

Іслач
Характарыстыка
Даўжыня	102 км
Басейн	1 330 км²
Вадацёк
Выток	каля в. Глушынцы
• Каардынаты	53°51′19″ пн. ш. 27°04′41″ у. д.
Вусце	Заходняя Бярэзіна
• Каардынаты	53°54′48″ пн. ш. 26°12′57″ у. д.
Размяшчэнне
Водная сістэма	Заходняя Бярэзіна → Нёман → Балтыйскае мора
Краіна	Беларусь
— выток, — вусце
Медыяфайлы на Вікісховішчы

Іслач — рака ў Мінскай і Гродзенскай абласцях Беларусі, левы прыток Заходняй Бярэзіны (басейн Нёмана). Даўжыня 102 км. Вадазбор 1330 км². Сярэднегадавы расход вады ў вусці каля 10 м³/с. Сярэдні нахіл воднай паверхні 1,9 ‰.

Асноўныя прытокі: Яршоўка, Пяршайка, Валожынка (справа) Выганічанка, Цецяроўка, Волма (злева),

Пачынаецца каля в. Глушынцы Дзяржынскага раёна, цячэ ў межах Мінскага ўзвышша, у ніжнім цячэнні праз Налібоцкія лясы. Замярзае ў пачатку снежня, крыгалом у пачатку сакавіка. Адна з нямногіх рэк Беларусі, у якой водзіцца стронга ручаёвая.

Лясныя масівы абапал ракі, маляўнічасць і хуткае цячэнне вабяць турыстаў, у т. л. воднікаў. Упадае ў Заходнюю Бярэзіну на паўднёвы ўсход ад в. Бакшты Іўеўскага раёна. Даліна ў вярхоўі трапецападобная, глыбока ўрэзаная; у сярэднім цячэнні скрынкападобная, шырынёй 300—500 м. Пойма ў вярхоўі роўная, шырыня яе 30—50 м, у нізоўі паступова расшыраецца да 2 км, месцамі забалочаная. Рэчышча звілістае, зарэгулявана 3 плацінамі; яго шырыня 10—40 м. На ўсім працягу трапляюцца невялікія астравы. Берагі стромкія, абрывістыя.

• 
• 
• 
• 

Літаратура

• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.;
• Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.);
• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1..