Карэйцы

Карэйцы - асноўнае насельніцтва Карэйскага паўвострава.

Паводле антрапалагічнага тыпу належаць да ўсходне-азіяцкай галіны мангалоіднай расы. Размаўляюць на карэйскай мове. Шматлікія пытанні этнагенезу карэйцаў не адназначныя. Відавочна, у іх фарміраванні прымалі ўдзел этнічныя групы рознага паходжання, прычым вядучая роля належала групам, што гаварылі на протаалтайскай мове.

Асноўныя рэлігіі - вучэнне Канфуцыя, будызм, хрысціянства, шаманізм. Раней у краіне панаваў будызм, але ў XIV стагоддзі ён страціў значэнне афіцыйнай рэлігіі. Вялікая колькасць карэйцаў, якія жывуць у КНДР, атэістычных поглядаў.