Нью-Гэмпшыр

Нью-Гэмпшыр або Нью-Хэмпшыр (анг: New Hampshire) — невялікі штат у рэгіёне Новая Англія на паўночным усходзе ЗША. Насельніцтва 1.315.000 (2007 г.). Неафіцыйная назва - «Гранітны штат». Сталіца штата - горад Канкорд, найбуйнейшы горад - Манчэстэр. Першы штат у краіне, які абвясціў незалежнасць ад Вялікабрытаніі.

Эканоміка

Традыцыйна прамысловасць штата грунтуецца на энергіі ГЭС. У XIX стагоддзі, калі ў Нью-Гэмпшыры пачалася інтэнсіўная індустрыялізацыя, буйны капітал накіраваўся ў мукамольную, тэкстыльную і гарбарна-абутковую вытворчасці. У канцы XX стагоддзя іх замянілі машынабудаванне, а таксама вытворчасць электронікі. Сёння горад Нашуа спецыялізуецца на оптыцы, Портсмут на аўтазапчастках і марскіх судах.

У сельскай гаспадарцы дамінуюць малочная жывёлагадоўля, птушкагадоўля, цяплічныя гаспадаркі, якія спецыялізуюцца на журавінах, чарніцах.

Адзіны акіянічны порт - Портсмут. Значная частка насельніцтва (да 15%) занята ў сферы паслуг і турызму.