Касцёл Святых апосталаў Пятра і Паўла (Іўе)

Іўеўскі касцёл перабудаваны пад стыль барока

Петрапаўлаўскі касцёл у Іўі цяпер мала нагадвае гатычны храм, і барочны фасад добра маскіруе ягоную старажытную гісторыю.

Гісторыя

• 1491—1495: маршалак ВКЛ і Троцкі ваявода Пётр Яновіч пабудаваў у мястэчку Іўе касцёл.
• 2-я пал. XVI ст.: прыстасаваны пад кальвінскі сабор.
• 1-я пал. XVIІ ст.: вернуты каталікам.
• 1633: перабудаваны па фундацыі мсціслаўскага ваяводы Мікалая Кішкі.
• 1655—1667: спалены.
• 1787: адбудаваны ў стылі барока і асвячоны.

Архітэктура

Па сваёй першапачатковай структуры касьцёл быў падобны да храма ў Ішкальдзі, хаця зараз гатычны воблік касцёла амаль знішчаны шматлікімі перабудовамі. Будаўніцтва першага гатычнага касцёлу, відаць, не было завершана: былі збудаваны нясучыя сцены кафалікону і апсіды з масіўнымі контрфорсамі, частка з якіх захавалася дасюль, але скляпеннямі касцёл перакрыты не быў. Сучасныя крыжовыя скляпенні травеяў і апсіды – з часоў, калі ўвесь храм быў грунтоўна перабудаваны ў стылі Віленскага барока.

Пробашчы

• 1930—1944: кс. Ільдэфонс Бобіч — беларускі святар і пісьменнік, пахаваны каля касцёла ў 1944 годзе. З таго часу Іўе не мела пастаяннага святара да 1984 году.
• 1984: кс. Леанід Нясцюк.

Глядзіце таксама

• Фатаздымкі на Radzima.org