Дэвід Эдвард Х’юз

Дэвід Эдвард Х'юз, таксама Дэйвід Эдуард Юз (анг. David Edward Hughes, 16 мая 1831-22 студзеня 1900) — вядомы англійскі і амерыканскі вынаходнік.

У 1838 г. перасяліўся ў Злучаныя Штаты Амерыкі, дзе спачатку быў настаўнікам музыкі, потым заняўся натуральнымі навукамі і з 1851 г. выкладаў фізіку ў каледжы Бардстоўна (Кентукі). З 1853 г. Х'юз працаваў над вынаходніцтвам друкавальнага тэлеграфнага апарата. Ва ўдасканаленні апарата яму дапамагаў Джордж Фэлпс (George May Phelps). У 1856 г. апарат Х'юза ўпершыню быў ужыты для сувязі Ворчэстэра і Спрынгфілда у Масачусетсе. У 1860-х гадах апарат Х'юза атрымаў шырокае распаўсюджванне па ўсёй Еўропе.

Х'юзу належыць таксама вынаходніцтва мікрафона (1877 г.), індуктыўных ваг і санометра. У гонар вынаходніка Лонданскае каралеўскае таварыства заснавала медаль Х'юза, прысуджаецца з 1902 года.