Палац Нацый

Будынак Асамблеі Палаца Нацый

Палац Нацый (фр.: Palais des Nations) — комплекс будынкаў, пабудаваны ў перыяд паміж 1929 і 1938 гадамі, у парку Арыяна, у Жэневе, Швейцарыя. Палац Нацый выкарыстоўваўся ў якасці штаб-кватэры Лігі Нацый да 1946 года. З 1966 года ў Палацы размяшчаецца Еўрапейскае аддзяленне ААН у Жэневе - другая найважнейшая рэзідэнцыя ААН у свеце пасля Нью-Ёрка.

Акрамя таго, у Палацы таксама размяшчаюцца офісы рэгіянальных аддзяленняў МАГАТЭ, ЮНЕСКА, ЮНКТАД, УКГП ААН, Арганізацыі Аб'яднаных Нацый па прамысловым развіцці, а таксама Харчовай і сельскагаспадарчай арганізацыі ААН (ФАО).

Кожны год у жэнеўскай штаб-кватэры ААН праводзіцца каля 8000 пасяджэнняў, з якіх каля 600 з'яўляюцца буйнымі канферэнцыямі. 100 тысяч чалавек штогод наведвае адкрытыя залы Палаца ў якасці турыстаў.