14 мая

14 мая (14 траўня) - сто трыццаць чацвёрты (сто трыццаць пяты ў высакосны год) дзень года па Грыгарыянскім календары.

Падзеі

• 1659: Войска маскоўскіх ваяводаў Змеева і Лабанава-Растоўскага пачало аблогу Быхаўскага замка.
• 1783: Расійская імператрыца Кацярына II выдала ўказ аб запрыгоньванні сялян на Украіне.
• 1900: У Парыжы пачаліся Другія Алімпійскія гульні сучаснасці, у іх упершыню прынялі ўдзел жанчыны.
• 1923: У Беластоцкім акруговым судзе пачаўся "Працэс 45-і", цэнтральнай яго фігурай была Вера Маслоўская.
• 1943: У СССР пачалося фарміраванне 1-ай пяхотнай дывізіі імя Т. Касцюшкі Войска Польскага, яе камандзірам прызначаны Зігмунд Берлінг.
• 1918: Рада БНР даручыла Р. Скірмунту фарміраванне новага ўраду Беларускай Народнай Рэспублікі.
• 1948: Абвешчана незалежнасць Ізраіля.
• 1995: Рэферэндум у Беларусі па пытаннях надання рускай мове роўнага статуса з беларускай і устанаўлення новых Дзяржаўнага сцяга і Дзяржаўнага герба.

Нарадзіліся

• 1899: Тодар Куніцкі, адзін з заснавальнікаў Беларускага студэнцкага саюзу ва Універсітэце Стэфана Баторыя і Беларускага сялянскага саюзу (пам. 5.3.1985)
• 1922: Франьё Туджман, харвацкі дзяржаўны і палітычны дзеяч (пам. 10.12.1999)
• 1944: Джордж Лукас, вядомы амерыканскі кінарэжысёр

Памерлі

• 1610: Генрых IV, кароль французскі
• 1643: Людовік XIII, кароль Францыі
• 1873: Міхаіл Дзмітрыеў, дырэктар Навагрудскай гімназіі (нар. 1832)
• 1983: Фёдар Абрамаў, рускі пісьменнік (нар. 20.2.1920)

Святкуюць

• Ізраіль, Дзень Незалежнасці.
• Парагвай, Дзень Незалежнасці.