Ленск

Горад Ленск руск.: Ленск якуцк.: Лиэнскэй Герб Краіна Расія Каардынаты 060°43′00″ пн. ш. 114°54′00″ у. д. Заснаваны 1663 Першая згадка 1663 Плошча 49 км² Вышыня цэнтра 242 м Насельніцтва ▼ 24 373 чалавек (2010) Тэлефонны код 41137 Паштовы індэкс 678140 Афіцыйны сайт lenskcity.narod.ru Ленск на карце Расіі

Медыяфайлы на Вікісховішчы

Ленск (руск.: Ленск) — горад (з 1963) ў Расіі, адміністрацыйны цэнтр Ленскага ўлуса Якуціі. Насельніцтва 24,6 тыс. чал. (2005). Заснаваны да 1663 года.

Горад размешчаны на левым беразе ракі Лены, на Прыленскім плато, у 840 км ад Якуцка. Аўтамабільнай дарогай звязаны з горадам Мірны. Аэрапорт (рэйсы ў Мірны, Якуцк, Іркуцк). Буйны порт на Лене (дастаўка грузаў для алмазаосных раёнаў Якуціі).

Алмазная прамысловасць, прамысловасць будматэрыялаў, харчовая прамысловасць, лесная і дрэваапрацоўчая прамысловасць.

Населены пункт заснаваны не пазней 1663 як паселішча «прамысловых» людзей на месцы эвенкійскага стойбішча Мухтуй (вёска Мухтукуеўская) — эвенк. «вялікая вада».

У XVIII стагоддзі для абслугоўвання 2-й Камчацкай экспедыцыі В.Беринга была адчынена ямская паштовая станцыя Мухтуя. У XIX — пачатку XX стагоддзяў з'яўляўся месцам палітычнай спасылкі. Імклівы рост горада ў XX стагоддзі звязаны з адкрыццём і распрацоўкай алмазных радовішчаў у басейне Вілюя. Пасёлак быў найбольш блізкім (280 км) ленским паселішчам да кімберлітвввй трубкі «Мір» і стаў базай для будаўніцтва горада Мірны. У 1956 ад Мухтуі да будучага Мірнага пачалася пракладка аўтадарогі, стаў будавацца порт.

Пасля паводкі ў 2000 году горад амаль поўнасцю адбудаваны зноў. Статус горада і новае імя «Ленск» (па рацэ Лена) былі прысвоеныя ў 1963.