Базельскі ўніверсітэт

Базельскі ўніверсітэт

Базельскі ўніверсітэт (ням.: Universität Basel) — вышэйшая навучальная ўстанова ў Базелі, найстарэйшы ўніверсітэт Швейцарыі. Акадэмічны рэйтынг універсітэтаў свету ў 2009 годзе змясціў Базельскі ўніверсітэт на 85-ю пазіцыю.

Універсітэт уваходзіць у асацыяцыю універсітэтаў Еўропы Утрэхцкая сетка.

Гісторыя

Універсітэт быў заснаваны булай рымскага папы Пія II 12 лістапада 1459. Першапачаткова ўніверсітэт меў чатыры традыцыйныя факультэты: вольных мастацтваў, медыцыны, права і тэалогіі. У 1622 годзе была заснавана універсітэцкая бібліятэка; сёння яна найбуйнейшая ў Швейцарыі. У 1818 годзе факультэт свабодных мастацтваў быў рэарганізаваны. Яшчэ адна рэарганізацыя адбылася ў 1937 годзе. З 1890 года ва ўніверсітэце атрымалі магчымасць навучацца жанчыны.

Структура

• Факультэт бізнесу і эканомікі
• Медыцынскі факультэт
• Псіхалагічны факультэт
• Тэалагічны факультэт
• Філасофска-прыродазнаўчы факультэт
• Філасофска-гістарычны факультэт
• Юрыдычны факультэт

Ва ўніверсітэце вядуцца міждысцыплінарныя даследаванні і рыхтуюцца спецыялісты ў Інстытуце Еўропы, Цэнтрах іудаікі, «Чалавек - Грамадства - Навакольнае асяроддзе», афрыканскіх даследаванняў, культурнага менеджменту і гендэрных даследаванняў. Таксама дзейнічаюць Швейцарскі інстытут тропікаў і грамадскага здароўя і Інстытут біамедыцынскіх даследаванняў імя Фрыдрыха Мішэра.

Вядомыя людзі, звязаныя з універсітэтам

• Вернер Арбер – Нобелеўская прэмія па фізіялогіі і медыцыне (1978)
• Каспар Баўгін – анатам і батанік
• Данііл Бернулі – матэматык
• Іаган Бернулі – матэматык
• Якаб Бернулі – матэматык
• Леанард Эйлер – матэматык
• Якаб Буркхарт – культуролаг
• Георг Елінек – прававед
• Себасцьян Кастэла – тэолаг
• Фрыдрых Мішэр – біёлаг
• Фрыдрых Ніцшэ – філосаф
• Аляксандр Астроўскі – матэматык
• Парацэльс – алхімік, урач, акультыст
• Тадэвуш Рэйхштэйн – Нобелеўская прэмія па фізіялогіі і медыцыне (1950)
• Карл Густаў Юнг - псіхіятр
• Карл Ясперс – філосаф

Спасылкі

• Афіцыйны сайт універсітэта (ням.) (англ.)