Бекерэль (адзінка вымярэння)

Бекерэ́ль (пазначэнне: Бк, Bq) — адзінка вымярэння радыеактыўнасці ў сістэме СІ.

Бекерэль вызначаецца як актыўнасьць такой колькасці рэчыва, у якім, у сярэднім, за адну секунду адбываецца адзін радыеактыўны распад. Праз іншыя адзінкі вымярэння СІ бекерэль выяўляецца наступным чынам:

Бк = с⁻¹

Адзінка названая ў гонар французскага навукоўца Антуана Анры Бекерэля.

Ва ўсіх выпадках, калі гаворка ідзе аб вымярэнні радыеактыўнасці, пераважна выкарыстоўваць бекерэль, замест с⁻¹. Гэтае правіла прынята для таго, каб прадухіліць няправільную інтэрпрэтацыю і прыцягнуць увагу да магчымай небяспекі вымеранай велічыні для здароўя людзей.

Бекерэль — вельмі маленькая адзінка вымярэння, на практыцы, як правіла, выкарыстоўваюцца кратныя адзінкі, утворанныя з дапамогай дзесятковых прыставак. Аднак у даследаваннях вельмі рэдкіх радыеактыўных працэсаў выкарыстоўваюцца і дзельныя адзінкі (мілі- і мікрабекерэлі).

Раней для вымярэненя радыеактыўнасці выкарыстоўвалася пазасістэмная адзінка вымярэння кюры:

1 Кі = 3,7·10¹⁰ Бк (дакладна).

Кратныя і дзельныя адзінкі

Дзесятковыя кратныя і дзельныя адзінкі ўтвораюць з дапамогай стандартных прыставак СІ.

Кратныя				Дробныя
парадак	назва	абазначэнне		парадак	назва	абазначэнне
101 Бк	дэкабекерэль	даБк	daBq	10−1 Бк	дэцыбекерэль	дБк	dBq
10² Бк	гектабекерэль	гБк	hBq	10−2 Бк	сантыбекерэль	сБк	cBq
10³ Бк	кілабекерэль	кБк	kBq	10−3 Бк	мілібекерэль	мБк	mBq
106 Бк	мегабекерэль	МБк	MBq	10−6 Бк	мікрабекерэль	мкБк	µBq
109 Бк	гігабекерэль	ГБк	GBq	10−9 Бк	нанабекерэль	нБк	nBq
1012 Бк	тэрабекерэль	ТБк	TBq	10−12 Бк	пікабекерэль	пБк	pBq
1015 Бк	петабекерэль	ПБк	PBq	10−15 Бк	фемтабекерэль	фБк	fBq
1018 Бк	экзабекерэль	ЭБк	EBq	10−18 Бк	атабекерэль	аБк	aBq
1021 Бк	зетабекерэль	ЗБк	ZBq	10−21 Бк	зептабекерэль	зБк	zBq
1024 Бк	ётабекерэль	ІБк	YBq	10−24 Бк	ёктабекерэль	іБк	yBq

У Сеціве

• Вытворныя адзінкі СІ (Міжнароднае бюро мер і ваг) (англ.)