Сафокл

Шаблон:Вызнч (каля 496 да н.э., Калон (Атыка) — 406 да н.э.) — старажытнагрэчаскі драматург.

Аўтар трагедый. Крытык Арыстафан Бізантыйскі прыпісваў Сафоклу 123 трагедыі. Да нашага часу дайшлі поўныя тэксты сямі трагедый: «Эдып-цар», «Антыгона», «Электра», «Філактэт», «Аякс», «Трахінянкі», «Эдып у Калоне».18 разоў перамагаў са сваімі творамі на конкурсах, усе іншыя разы браў другое месца.

Граў важную ролю пры ўвядзенні ў Афінах культу Асклепія (420—419 да н.э.), і за гэта, відаць, атрымаў і рэлігійныя гонары — пасля смерці, як паўбог, атрымаў імя Дэксій.

Сын Софіла; ані разу не пакідаў Афінаў. Меў спакойны, ураўнаважаны характар, цешыўся агульнай любоўю; сябраваў з Перыклам. Верагодныя выявы — бюст гераізаванага Сафокла з павязкай жраца (захоўваецца у Ватыкане) і яго відавочныя копіі, таксама копія прыжыццёвай статуі (у музеі Латэранскага палацу. На беларускую мову творы Сафокла перакладалі Ю.Дрэйзін, Л.Баршчэўскі.

Літаратура

Лебядзевіч, Д.М. Гуманізм трагедыі Сафокла "Цар Эдып" // 4-я навуковыя чытанні, прысвечаныя С.Некрашэвічу: Мат-лы нав. канф. Гомель, 1999. Сафокль. Антыгона. Менск, 1926. Эсхіл. Прыкуты Праметэй; Сафокл. Антыгона. Мн., 1993. Сафокл. Эдып-цар // Дзеяслоў. 2009. №6 (43). .