Зігмунд Фрэйд

Зігмунд Фрэйд, фота Макса Хальберштадта, 1914)

Шаблон:Вызнч (ням.: Sigmund Freud — Зігмунд Фройд, поўнае імя Жыгімонт Шлома Фрэйд, ням.: Sigismund Schlomo Freud; 6 мая 1856, Фрайберг, Аўстра-Венгрыя (цяпер Пршыбор, Чэхія) - 23 верасня 1939, Лондан) — аўстрыйскі псіхолаг, псіхіятр і неўролаг , заснавальнік псіхааналітычнай школы - тэрапеўтычнага накіравання ў псіхалогіі, тэорыі, паводле якой неўратычныя расстройствы чалавека выкліканыя шматкомплекснымі ўзаемаадносінамі несвядомых і свядомых працэсаў.

Біяграфія

Раннія гады

Зігмунд Фрэйд нарадзіўся ў сям'і галіцыйскіх яўрэяў. Яго бацьку, Якаву, быў 41 год, ён меў двух дзяцей ад папярэдняга шлюбу. Маці Зігмунда, Амаліі Натансон, трэцяй жонцы Якава, быў 21 год. У 1860 годзе сям'я Фрэйда ў сувязі з фінансавымі цяжкасцямі перабралася з Фрайберга ў Вену. У 9-гадовым узросце Фрэйд паступіў у гімназію Сперл (сярэднюю школу), дзе быў адным з лепшых вучняў, і з адзнакай скончыў яе ў 17 гадоў.

Юнацтва

Пасля заканчэння гімназіі Фрэйд жадаў зрабіць ваенную або палітычную кар'еру, але з прычыны антысеміцкіх настрояў і матэрыяльных цяжкасцяў яго амбіцыі былі перакрэсленыя.

У 17 гадоў, увосень 1873, паступіў на медыцынскае аддзяленне Венскага ўніверсітэта. З 1876 па 1882 працаваў у лабараторыі псіхалогіі Эрнста Бруке, вывучаючы гісталогію нервовых клетак. У 1881 годзе ён з адзнакай здаў выпускныя іспыты і атрымаў ступень доктара медыцыны.

У сакавіку 1876 Фрэйд пад кіраўніцтвам прафесара Карла Клаўса даследаваў палавое жыццё вугроў. У прыватнасці, вывучаў наяўнасць насеннікаў у самца вугра. Гэта была яго першая навуковая праца. У 1884 годзе вынайшаў метад афарбоўвання нервовых шляхоў хларыдам золата, спосаб афарбоўвання быў прызнаны недасканалым. У 1881 годзе атрымаў ступень доктара медыцыны, працаваў у якасці клінічнага неўрапатолага. З 1902 года - прафесар Венскага ўніверсітэта.

Познія гады

У 1938 годзе, пасля захопу фашыстамі Аўстрыі, эмігрыраваў у Брытанію.

Дзейнасць

Стварыў спосаб лячэння хворых з дапамогай псіхааналіза, заснаванага на тлумачэнні асацыяцый, сноў, памылак у дзеяннях кліента. Склаў трохчленную энергетычную структуру асобы: усведамленне, перадсвядомае і бессвядомае. Лічыў, што ў аснове неўрозаў ляжаць сексуальныя праблемы.

• Sigmund Freud - birthplace PRIBOR in Czech language